WhakamĀrama Āpitihanga
Ina kaha tukia te tinana ko te toto whakaroto, te ikura whakaroto rānei pea te hua. Kāore te kiri e tīhaea, nō reira kāore ngā toto e rere ki waho o te tinana. Ko ētahi tohumate o te ikura whakaroto, ko te marū o te tinana, ko te māhunga ānini, ko te ruhi.
Mēnā he pākaha te ikura whakaroto, ko te tino heke o te pēhanga toto, ko te ruaki toto, ko te hukihuki ētahi o ngā tohumate, ā, ki te kore e wawe te rongoātia, ko te hemonga pea te otinga atu.
Mēnā ka tepe ngā toto ki roto i te whēkau, i te pūtautau rānei i muri i te ikura whakaroto, ka kīia tērā ko te uruhua. Ko te nuinga ka mahu i te takanga o te wā. Hei tauira o te uruhua:
Ina tukia te ihu o te tangata, ā, ka toto, ka kīia tērā ko te tatao. Hei tauira tērā o te toto whakawaho, waihoki, ina tīhaea, ina motukia, ina riwha rānei te kiri, ā, ka rere ngā toto, he toto whakawaho anō ērā.
He wā poto noa iho i muri i te tīhaenga o te kiri ka tīmata te tepe o ngā toto, arā, te piri tahi o ngā pūtau toto, nāwai ā, ka mutu te rere o ngā toto. Kia maroke, kātahi ka whekewheke Hei tauira:
Mā te tākaikai i te wāhi e toto ana e pāpunitia ai te rere, ā, koia hei āwhina i te tepenga o te toto.