WhakamĀrama Āpitihanga
E toru ngā momo ia-toto matua:
- Ko te ia-tuku:
Ko tā te ia-tuku he kawe i ngā toto hāoraora ki ngā wāhi katoa o te tinana. He mātotoru ngā paetara o te ia-tuku nā te rahi tonu o te pēhanga toto e papua ana e te manawa. He whero te tae o ngā toto hāoraora e kawea ana mā roto i ngā ia-tuku, koia hei oranga mō ngā pūtautau o te tinana. - Ko te ia-auraki:
Ko tā te ia-auraki he whakahoki i ngā toto hāora-kore mai i ngā wāhi katoa o te tinana ki te manawa. He āhua māmā te rere o ngā toto i roto i ngā ia-auraki, kāore e nui te pēhanga toto, nō reira he āhua kōrahirahi ngā paetara. He takirere kei ngā ia-auraki kia kore ai ngā toto e rere whakamuri:
whakaahua arinui- Ko te ia-tōiti:
He tino iti ēnei ia-toto, e hono atu ana ki ngā ia-tuku me ngā ia-auraki, e whātoro atu ana ki ngā pūtau katoa o te tinana. Kāore e nui ake i te 1mm te tawhiti o ngā pūtau katoa o te tinana i tētahi ia-tōiti. Ko tā ngā ia-tōiti he kawe i ngā taiora me te hāora ki ngā pūtau, he tango anō hoki i te para o ngā pūtau. He tino kōrahirahi ngā paetara o ngā ia-tōiti, e pai ai te puta o ngā taiora me te hāora ki ngā pūtau.