hinu (tao)

(cooking) oil

WHAKAMĀRAMA

He momo wē ka takea mai i te tipu, he ngako kei roto, ka whakamahia whānuitia ki te tao kai, ki te whakakakara hoki i te kai. Arā hoki ētahi hinu totoka i te paemahana ā-whare, pērā i te hinu niu.

A type of liquid which comes from a plant and contains fat. It is used widely to cook and flavour food. Some oils are also solid at room temperature, such as coconut oil.

Tauira KŌrero

Kaua e nui te hinu e hoa, me āta tāhoro atu.

Ko te awakate tētahi huarākau he nui te hinu kei roto.

Me pēhea te unu i te hinu kei roto i ngā momo huarākau pērā i te ōriwa me te awakate?

WhakamĀrama Āpitihanga

Ko te pae auahi o tētahi hinu, koirā te paemahana e pāhunu ai te hinu.

Mēnā he teitei te pae auahi, ka whakamahia ērā hinu ki te tahu kai. Ko te hinu awakate hei tauira, e 271ºC tōna pae auahi.

Me he hahaka te pae auahi o te hinu, kāore ērā e whakamahia ki te tahu kai, ka whakamahia kētia ki te whakakakara i te kai, pērā i te hinu ōriwa urutapu. Kei te takiwā o te 160ºC tōna pae auahi. Ko te kīnaki huamata tētahi whakamahinga o te hinu ki te whakakakara i te kai.

He teitei ake te pae ngingiha i te pae auahi o tētahi hinu. Koirā te paemahana e kitea ai he paku hahana i te mata o te hinu. Kei te takiwā o te 315ºC tērā.

He teitei ake te pae papahū i te pae ngingiha, arā, ko te paemahana e muramura ai te hinu. Kei te takiwā o te 370ºC tērā.

Ko te ngako hamanga te momo ngako kei roto i ngā hinu huawhenua. E ai ki ngā rangahau, he pai ake tēnei momo ngako hei kai mā te tangata, tērā i te ngako kohura. 

Koia nei ētahi momo hinu tao e whakamahia whānuitia ana:

hinu ōriwa, hinu puarā, hinu hema, hinu niu, hinu awakate, hinu kanōra, hinu kano kerepe, hinu pīnati, hinu hehame.

Kaua e nui te hinu e hoa, me āta tāhoro atu.

Ko te awakate tētahi huarākau he nui te hinu kei roto.

Me pēhea te unu i te hinu kei roto i ngā momo huarākau pērā i te ōriwa me te awakate?