Hauora

hinengaro pōngerengere

mental breakdown, nervous breakdown

tūingoa, tūmahi poro

WHAKAMĀRAMA

Ko te haukerekerea o te hinengaro nā runga i te kaha pāngia ki tētahi tairaru, ki tētahi āhuatanga kino, ki te auhi rānei. Kua kore e taea ngā mahi noa o ia rā.

Where a person's mind is overwhelmed through being acutely affected by a crisis, trauma or distress. They are unable to cope with normal everyday activity.

Tauira KŌrero

I pāngia ia ki te hinengaro pōngerengere i te wā i whakarērea ia e tōna hoa rangatira.

Mā te tauawhi a te whānau e rongoātia ai te hinengaro pōngerengere.

Mēnā ka hinengaro pōngerengere te tangata, e tika ana kia tono āwhina i tētahi mātanga hinengaro.

WhakamĀrama Āpitihanga

Ko te piki o te pōkaikaha me te kohuki o te tangata i roto i ngā nekeneke o ia rā te takenga matua o te hinengaro pōngerengere. Hei tauira:

  • Ko te tairaru ohaoha, arā, ko te uaua o te utu i ngā āhuatanga ka matea nuitia i ia rā e ora ai te whānau, pērā i te kai, i te whare me te kākahu.
  • Ko te tairaru tuakiri. Ka rangirua, ka pōkaikaha te tangata ki a ia anō, ki tōna tuakiri whaiaro, ki tana tū i tōna anō ao, nā runga pea i āna pahekoheko ki tangata kē, nā tētahi panonitanga matua i tōna ao, nā ngā awenga pāhopori, nā take kē atu rānei.

Ko ētahi tohu o te hinengaro pōngerengere:

  • Ka kore te tangata e hiahia ki te haere ki te mahi, ki te kura rānei, otirā ki te whai tonu i āna mahi pārekareka, pērā i te hākinakina me te puoro. Arā, ka hihiko-kore ia.
  • Ka rerekē ngā whanonga o te tangata, pērā i tana tahuri ki te whanonga tūhourangi (ka kore e whāia ngā tikanga e hāngai ana ki te horopaki pāpori), ki te whanonga ākiroto rānei (ahakoa e mōhiotia ana he whanonga kino, ka whai tonu te tangata i taua whanonga nā runga i tētahi ānga nui kei roto i a ia).
  • He uaua te whai tonu a te tangata i te kai pai me ngā mahi e au ai tana moe. Tērā pea ka kai inati ia, ka inu inati ia, ka oho rānei i ngā haora o te pō ki te tākaro kēmu tuihono.

Takenga Mai

hinengaro - mind, seat of emotions

pōngerengere - overwhelming, oppressive, dark

Tauira KŌrero

I pāngia ia ki te hinengaro pōngerengere i te wā i whakarērea ia e tōna hoa rangatira.

Mā te tauawhi a te whānau e rongoātia ai te hinengaro pōngerengere.

Mēnā ka hinengaro pōngerengere te tangata, e tika ana kia tono āwhina i tētahi mātanga hinengaro.

WhakamĀrama Āpitihanga