WhakamĀrama Āpitihanga
Koia nei ētahi momo tāhono:
Ko te tāhono pūmārō:
- Ko tētahi momo hononga ōkiko nei, pērā i te puru me te kōhao, te pūtukatuka matua me te kāri whakairoiro.
- Ka kīia ngā momo kōhao katoa o tētahi rorohiko, he tauranga, ko te tauranga USB, ko te tauranga HDMI, ko te tauranga pouwhanga ētahi tauira. Ko ngā puru ka kīia he hono taurawhi, ko ngā kōhao ka kīia he hono uwha. Ko te tāhono whakairoiro ataata (VGA) te momo hei tūhono i te rorohiko ki tōna mata, ki tētahi tukuata rānei:
Ko te tāhono pūmanawa:
- Ko ngā tūhononga o tētahi papatono ki tētahi, o tētahi papatono rānei ki tētahi pukumārō, pērā i te tāhono i tētahi papatono tukatuka kupu ki te pūrere tā.
Ko te tāhono kaiwhakamahi:
- Ko ngā taputapu e whakawhitia ai ngā tohutohu a te tangata ki tana rorohiko, pērā i te papapātuhi, i te kiore, i te tāhono kaiwhakamahi whakairoiro (tāhono ataata rānei), me te kakautohu.
- Ko te paemana tētahi tauira o te tāhono pūmanawa, arā, ka whakaaturia ki te mata o te rorohiko ngā ata e hāngai ana ki ētahi taupānga iti, pērā i te karaka, i te huarere, i te maramataka me te tātaitai. Ka pāwhiria te taupānga iti e hiahiatia ana. Hei tauira:
