Hauora

whare haumanu

clinic, health clinic, health centre

tūingoa

WHAKAMĀRAMA

He kupu whānui mō ngā momo wāhi e rongoātia ai te tangata māuiui.

A general word for the places where people who are unwell can be treated or receive healing.

Tauira KŌrero

Nāku ia i hari ki te whare haumanu inanahi nei.

Kua whakatūria he whare haumanu hou ki te taha o te marae.

E tino whai ana ngā kaiwhakahaere o te whare haumanu kia iti noa iho te utu o ā rātou ratonga hauora.

WhakamĀrama Āpitihanga

Ka tapaina te whare haumanu i runga i te momo ratonga o te whare, pērā i te whare haumanu romiromi me te whare haumanu tohuora.

He maha ngā ratonga hauora ka tukua i ētahi whare hauora ā-hapori, pērā i te rata arowhānui, i te tapuhi whakawhānau me te rongoā āraimate, tae atu anō hoki ki ngā ratonga pāpori pērā i te Whānau Ora, i te wara pūroi me te whakamahere pūtea.

I ētahi whare haumanu, mā te tāpui wā e uru atu ai te tangata māuiui kia mātaihia e te tākuta, kia whakawhiti kōrero ki a ia, kia whai wāhi atu rānei ki tētahi atu ratonga. Ko ētahi he whare haumanu toronoa, arā, ka peka noa atu te tangata i runga i te tūpono ka wātea tētahi mātanga hauora. I te wā o te mate urutā Korona-19 i ngā tau 2019 ki te 2022 ka whakatūria he whare haumanu toronoa hei tuku i te rongoā āraimate, hei whakamātau hoki i te tangata mō taua mate rā.

Arā hoki te taiwhanga ohotata o ngā hōhipera, he whare haumanu mō te tangata ka pākia e te aituā ohotata.

Takenga Mai

haumanu - to revive, restore to health

KUPU KĒ ATU

whare hauora

Tauira KŌrero

Nāku ia i hari ki te whare haumanu inanahi nei.

Kua whakatūria he whare haumanu hou ki te taha o te marae.

E tino whai ana ngā kaiwhakahaere o te whare haumanu kia iti noa iho te utu o ā rātou ratonga hauora.

WhakamĀrama Āpitihanga