Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi

Hangarau

whakarōpūtanga kai

food group

tūingoa

WHAKAMĀRAMA

Ko te wehewehe i ngā momo kai ki ētahi karangatanga i runga i te takenga mai o aua kai me ngā momo taiora o roto.

The division of various foods into categories according to the origin of the food and the nutrients they contain.

Tauira KŌrero

He aha te whakarōpūtanga kai kei te pūtake o te koeke kai?

He nui te huka kei tēnā whakarōpūtanga kai.

Me āta whakarārangi ngā kai ka kainga e koe i tētahi rangi, me te tuhi anō i te whakarōpūtanga kai ki te taha.

WhakamĀrama Āpitihanga

Koia nei ētahi whakarōpūtanga kai e kōrerohia whānuihia ana i Aotearoa:

Ko te huawhenua me te huarākau. Kikī ana tēnei whakarōpūtanga kai i ngā huaora. Ko ētahi hoki he puna warowaihā, pērā i te kūmara me te rīwai.
Ko ngā momo kai ka takea mai i te pata, pērā i te parāoa, i te raihi me te parāoa rimurapa. Ko te warowaihā te tino taiora kei tēnei whakarōpūtanga kai.
Ko te miraka me ngā kai ka takea mai i te miraka, ka kīia ko te huamiraka, mātua rā i Aotearoa, ko te miraka o te kau. Ko te tīhi me te waipupuru hei tauira o te huamiraka. Ko te ngako te tino taiora kei tēnei whakarōpūtanga kai, waihoki ko te konupūmā hei whakapakari i ngā kōiwi o te tinana.
Ko ngā momo kai pūmua, pērā i te mīti me ngā kai o te moana, tae atu ki te hēki, te nati me ētahi kano. Ko te pūmua te tino taiora kei tēnei whakarōpūtanga kai.

Tauira KŌrero

He aha te whakarōpūtanga kai kei te pūtake o te koeke kai?

He nui te huka kei tēnā whakarōpūtanga kai.

Me āta whakarārangi ngā kai ka kainga e koe i tētahi rangi, me te tuhi anō i te whakarōpūtanga kai ki te taha.