Te Reo Matatini

whakamaumahara ~tia

memorise

tūmahi

WHAKAMĀRAMA

Ko tā te tangata mahi ki te āta pupuri i tētahi mea ki tōna pūmahara. Mēnā he āhuatanga auau ka rangona, ka kitea, ka whakamahia rānei, pērā i tētahi nama waea, i ngā kupu rānei o tētahi waiata, he māmā te whakamaumahara ki ērā.

Actively committing something to memory. Something that is heard, seen or used frequently such as a phone number or the words of a song will be memorised easily.

Tauira KŌrero

Ko tana mahi kāinga, he whakamaumahara i ngā kupu o te waiata.

He aha ētahi rautaki whakamaumahara i ngā meka whakareatanga matua?

He autaia ana pūkenga whakamaumahara, he ngawari noa iho tana ako i ngā kupu o tētahi waiata hou, ko te whakaaro tuatini pea te wāhi e ngoikore tonu ana.

WhakamĀrama Āpitihanga

Ko te mahara maupoto, koirā te pupuri kōrero mō te wā poto noa iho pērā i tētahi inenga. Ka oti te whakamahi i taua inenga, ka ngaro, kāore e puritia tonutia, i te kore o ōna take i muri iho. E ai ki ngā mātanga hinengaro, kei te takiwā pea o te 30 hākona te mahara maupoto. Whakamahia ai tētahi wāhanga motuhake o te roro ki te mahara maupoto.

He roa ake te pupuri i ētahi mea ki te pūmahara. Ka kīia tērā, ko te mahara mauroa. Hei tauira o ngā mea ka puritia hei mahara mauroa, ko ngā ingoa o ngā whanaunga, ko te arapū, ko te tatau, ko ngā tukanga whakaoti i tētahi mahi pērā i te tunu kai.

Ko tētahi whāinga i ngā akoranga pānui tōmua o te kura, ko te whakawhānui i te puna kupu āhukahuka o te tamaiti, arā, ngā kupu e noho ana ki tōna pūmahara, he aunoa te pānui, karekau he mahi weteoro, he whakahua motumotu rānei. Ko ētahi o aua kupu, ko ngā kupu mahi o ia rā, pērā i te 'moe', i te 'kai', i te 'noho' me te 'tū'.

Tauira KŌrero

Ko tana mahi kāinga, he whakamaumahara i ngā kupu o te waiata.

He aha ētahi rautaki whakamaumahara i ngā meka whakareatanga matua?

He autaia ana pūkenga whakamaumahara, he ngawari noa iho tana ako i ngā kupu o tētahi waiata hou, ko te whakaaro tuatini pea te wāhi e ngoikore tonu ana.

WhakamĀrama Āpitihanga