He momo aromatawai ōkawa i te mātau o te ākonga ki tētahi kaupapa, i ōna pūkenga, i te koi o te whakaaro.
A type of formal assessment of a person's knowledge about a topic, their skills and the astuteness of their thinking.
Tauira KŌrero
E toru haora te roa o te whakamātautau, ka mutu, ka aro ki ngā kaupapa ako katoa o te tau.
Ko ētahi e whai pūkenga ana ki te mahi whakamātautau, ko ētahi he āhua ngoikore ō rātou pūkenga.
Ka whakamātautauria te mātauranga wetereo o ngā ākonga.
WhakamĀrama Āpitihanga
Ko tā te whakamātautau matatau he tohu i te taumata kua ekea e te ākonga, arā, tana mōhio, tana mārama ki ngā kaupapa i ākona e ia. Ko ngā whakamātautau NCEA hei tauira o tēnei momo.
I roto i te whakamātautau ka tonoa te ākonga kia whakaoti i ētahi ngohe, kia whakautu i ētahi pātai, kia whakaatu rānei i ōna pūkenga. Koia nei ētahi momo:
Ko te whakamātautau ā-waha. Ka noho tahi te kaiwhakamātautau me te ākonga. Ka tukuna ā-wahatia he pātai hei whakautu, hei matapaki mā te ākonga.
Ko te whakamātautau ā-tuhi. Ka noho te ākonga ki te tuhi i āna whakautu ki ngā pātai o roto i tētahi puka whakamātautau.
Ko te whakamātautau whirirau. Ko tā te ākonga he tohu i te whakautu e tika ana o roto i ētahi whakautu e rua, nui ake rānei. Hei tauira tēnei o te aromatawai tapatahi, inā kotahi anake te whakautu tika, karekau he whiriwhiringa, he whakawātanga a te kaiaromatawai.
Ko te whakamātautau tuhi ā-kura. Ka tuhia he kōrero āhua roa nei hei wetewete i te pātai, hei whakaatu mā te ākonga i ōna whakaaro ki te kaupapa. Hei tauira tēnei o te aromatawai taparoto, inā ka riro mā te kaiaromatawai e whakawā te kounga o te tuhinga, te hōhonu, te whānui me te hāngai o ngā whakaaro o te ākonga.
Ko te whakamātautau ā-ringa. Ka whakamātauria ngā pūkenga ā-ringa o te ākonga ki te whakatutuki i tētahi mahi, pērā i te whakatangi piana, i te taraiwa motukā me te hā whakaora.
I mua i te whakamātautau, ka hoki te ākonga ki te āta mātai anō i tāna i ako ai, mā reira e pai ake ai tana whakatutuki i te whakamātautau e kainamu mai ana. Ka kīia tērā mahi ko te takamātau. Mehemea ka mahi tahi ia me ākonga kē, ka kīia rāua (rātou rānei) he hoa ako, he hoa takamātau rānei.
Tauira KŌrero
E toru haora te roa o te whakamātautau, ka mutu, ka aro ki ngā kaupapa ako katoa o te tau.
Ko ētahi e whai pūkenga ana ki te mahi whakamātautau, ko ētahi he āhua ngoikore ō rātou pūkenga.
Ka whakamātautauria te mātauranga wetereo o ngā ākonga.