WhakamĀrama Āpitihanga
Arā anō ētahi wāhanga o te whakamātau tūponotanga. Hei tauira:
- Ko te whakamātau tūponotanga: Hei tauira, kia 10 ngā pīrori mataono tau.
- Ko te pāpono: Ko te pīroritanga kotahi o te mataono tau.
- Ko te putanga: Ko te hua ka puta i tētahi pāpono kotahi (arā te 1, te 2, te 3, te 4, te 5, te 6 rānei). Ka kīia ngā putanga e taea ana, ko te huinga putanga.
- Ko te kumukumu me te taurangirangi o ia pāpono: Kāore i te mōhio tūturutia he aha koia te putanga ka hua.
- Ko te tūponotanga tātai o tētahi putanga: Ka whakawehea te maha o taua putanga ki te maha o ngā putanga katoa e taea ana. Hei tauira:
Ko te 1/6 te tūponotanga ka puta he ‘6’ ina pīrorihia he mataono tau:
Me he maha ngā pāpono o tētahi whakamātau tūponotanga, ka pātata te tūponotonga whakamātau ki te tūponotonga tātai.
Me he ruarua noa iho ngā pāpono, kāore pea te tūponotanga whakamātau e pātata ki te tūponotanga tātai, arā, ka kīia he kumukumu, he taurangirangi rānei, kāore i te mōhio tūturutia mēnā rānei ka rite ngā hua o te whakamātau ki ngā tūponotanga tātai.