Koia nei ētahi āhuatanga e hāngai ana ki te whakahua i te reo:
Ko te hau, arā, ko te whakakaha i te puakitanga o tētahi kūoro o roto i te kupu, o tētahi kupu rānei i roto i te rerenga. Ko te rarahi o te whakahua, ko te tangi, ko te tō ētahi āhuatanga hei whāhau i te kūoro, i te kupu rānei.
Ko te hā, arā, ko te wairua o te reo (pēnā he maioro, he wainene rānei), ko te piki me te heke o te reo i te roanga atu o te rerenga kōrero, ko te hātahi rānei.
Ko te rere o te reo, arā, mēnā he rōnaki, he patō, he tapepe rānei.