Tikanga ā-Iwi

whakaata ~ngia ~tanga

represent, portray, representivity

tūingoa, tūmahi whiti

WHAKAMĀRAMA

Ko te āhei, ko te tika rānei o tētahi rōpū iti ki te tohu i ngā āhuatanga o te rōpū matua. Hei tauira, ko te tika o tētahi tīpako iti ki te whakaata i tōna taupori i roto i te mahi rangahau. 

The ability or the validity of a small group to show the characteristics of the larger parent group. For example, the validity of a research sample to represent a population.

Tauira KŌrero

Kua roa ia e whawhai ana kia tika te whakaatanga o te wahine ki roto i ngā rūnanga urungi o ngā rangatōpū nui o te motu.

He weriweri te whakaatanga tuhene o te iwi Māori ki roto i te taupori o te hunga mauhere.

He aha ngā take o mua i pērā ai te whakaatanga o te ākonga Māori ki roto i ngā akoranga pūtaiao i te whare wānanga?

WhakamĀrama Āpitihanga

Mēnā kāore e rite ana te whakaatanga o tētahi rōpū i roto i tētahi tūāhuatanga, ki tōna rahi i te taupori, ka kīia tērā he whakaatanga pāhikahika. Ko te whakaatanga tuhene hei tauira, arā, he rahi ake te ōrau o taua rōpū rā i tōna ōrau noa o roto i te taupori. I te tau 2021, he tuhene, he pāhikahika te ōrau o te Māori kei roto i ngā whare herehere i te ōrau o te Māori o roto i te taupori. I te whakaatanga tarepa, he iti ake te ōrau o te rōpū i tōna ōrau o roto i te taupori. I te tau 2021, e tarepa ana te whakaatanga o te wahine Māori ki ngā tūranga rangatira o roto i ngā rangatōpū me ngā umanga nui.

I roto i ētahi momo rangahau ka kohia he raraunga i tētahi tīpako. Mēnā he ōrau iti taua tīpako o te taupori e rangahautia ana, kāore e tino pono te whakaatanga o te taupori. Mēnā he ōrau nui te tīpako, he pono tā taua tīpako whakaata i tōna taupori. Arā, kei te rahinga tīpako te pono o aua raraunga ki te whakaata i te taupori.

Takenga Mai

whakaata - to reflect

Tauira KŌrero

Kua roa ia e whawhai ana kia tika te whakaatanga o te wahine ki roto i ngā rūnanga urungi o ngā rangatōpū nui o te motu.

He weriweri te whakaatanga tuhene o te iwi Māori ki roto i te taupori o te hunga mauhere.

He aha ngā take o mua i pērā ai te whakaatanga o te ākonga Māori ki roto i ngā akoranga pūtaiao i te whare wānanga?

WhakamĀrama Āpitihanga