Tikanga ā-Iwi

whakaaro tūrehurehu

abstract thinking, abstract reasoning

tūingoa, tūmahi poro

WHAKAMĀRAMA

He mahi hirikapo, arā, he hōhonu, he whānui te toro a te hinengaro ki te hanga māramatanga ki tētahi kaupapa. Ka pakeke haere te tamaiti, ka pakari haere anō tana āhei ki te whakaaro tūrehurehu.

A cognitive process where the mind can extend deeply and broadly in order to understand something. As a child grows, their ability to think abstractly expands.

Tauira KŌrero

E eke ana a Pita i ngā taumata o te whakaaro tūrehurehu.

Kikī ana te whaikōrero a te Māori i ngā whakaaro tūrehurehu.

Ki te kore e pakari te whakaaro tūrehurehu o te ākonga, he uaua tana wetewete i ngā take tuatini o roto i te tikanga ā-iwi.

WhakamĀrama Āpitihanga

Ko ētahi āhuatanga o te whakaaro tūrehurehu:

ko te tātari kōrero
ko te tūhonohono i ngā kōrero mō tētahi take
ko te tautohu tauira
ko te whakaoti rapanga
ko te kōtuitui whakaaro

Ko te tauaro o te whakaaro tūrehurehu, ko te whakaaro tūhāngai. Arā, ko te titiro pāpaku ki ngā āhuatanga ōkiko. Hei tauira, ko te whakaaro o te tangata ki te whakataukī ‘he iti te mokoroa, nāna i kakati te kahikatea’.

Tangata whakaaro tūhāngai: Ka whakaaro ia ki te āhua o te mokoroa me te āhua o te kahikatea, koirā noa iho, kāore ia e tūhono i ērā ki te horopaki o te kōrero, kāore tana hinengaro e toro ki te tikanga e noho ana ki muri i ngā kupu, arā, te āhei o tētahi mea iti ki te whakatutuki i tētahi mahi nui.
Tangata whakaaro tūrehurehu: Ka toro ōna whakaaro ki te horopaki i kōrerohia ai te whakataukī, me te tikanga e noho ana ki muri i ngā kupu, arā, te āhei o tētahi mea iti ki te whakatutuki i tētahi mahi nui.

Takenga Mai

tū - manner, sort

rehurehu - to be seen indistinctly

KUPU KĒ ATU

whakaaro waitara

Tauira KŌrero

E eke ana a Pita i ngā taumata o te whakaaro tūrehurehu.

Kikī ana te whaikōrero a te Māori i ngā whakaaro tūrehurehu.

Ki te kore e pakari te whakaaro tūrehurehu o te ākonga, he uaua tana wetewete i ngā take tuatini o roto i te tikanga ā-iwi.