whakaaro pānga riterite

WhakamĀrama Āpitihanga

He rapanga tēnei hei whakaatu i te whakaaro pānga riterite, me te whakaaro tāpiripiri:

E rua ngā putiputi e tipu ana. Ka inea te teitei o ēnei putiputi:

I te paunga o te rua wiki, ka inea anō ngā putiputi nei:

Ko tēhea te putiputi he rahi rawa te tipu i roto i ēnei rua wiki?

E rua ngā whakautu e hāngai ana ki tēnei rapanga. Ko tētahi e whai ana i te whakaaro tāpiripiri, ko tētahi e whai ana i te whakaaro whakarea, arā, te whakaaro pānga riterite:

Whakaaro tāpiripiri: He ōrite te tipu o ia putiputi, arā, e 20cm te huringa tāpiri o ia putiputi.
putiputi 1: 40cm + 20cm = 60cm
putiputi 2: 20cm + 20cm = 40cm

Whakaaro whakarea: He rahi ake te tipu o te putiputi 2 i te putiputi 1. E rua whakareatanga te rahi o te tipu o te putiputi 2. Kotahi me te haurua whakareatanga te rahi o te tipu o te putiputi 1.
putiputi 1: 40cm × 1¹/₂ = 60cm. Arā, 1.5 te huringa whakarea.
putiputi 2: 20cm × 2 = 40cm. Arā, e 2 te huringa whakarea.

Ka whakamahia te whakaaro pānga riterite hei whiriwhiri i ngā hautanga ōrite, i ngā pāpātanga ōrite me ngā ōwehenga ōrite. Hei tauira:

• Mō ēnei hautanga ōrite, ko te taurunga te hautoru o te tauraro, ko te tauraro te reatoru o te taurunga: { ¹/₃ , ²/₆ , ³/₉ , ⁴/₁₂ ... }
• Mō ēnei pāpātanga, ka whakareatia te pāpātanga waetahi ki te 3.5 hei whiriwhiri i ngā pāpātanga ōrite. Ko te utu ā-manokaramu tēnei hei hoko āporo: {$3.50/kg, $7.00/2kg, $10.50/3kg, $14.00/4kg ...}
• Mō ēnei ōwehenga ōrite, 1.5 whakareatanga te rahi ake o te tau tuarua i te tau tuatahi: {2:3, 4:6, 6:9, 8:12 ...}