Kei te horapa haere te whakamahinga o te rorohiko i roto i ngā kura.
Ka piki ake te ekenga taumata o te hunga ākonga nā runga i te whakamahia nuitia o te rorohiko i ngā kura.
Ko ngā whakaaro, ko ngā tirohanga e kaha whakaputaina ana e te hapori, ka kīia ko ngā whakaaro o te marea.
Mehemea ka āta wetewetehia tētahi kaupapa, ka āta rangahaua i mua i te whakaputaina o te whakaaro, ka kīia tērā he whakaaro pūmōhio. Ko te whakaaro kūare te tauaro o tērā, arā, karekau he wetewete, karekau he tirotiro, karekau he huritao a te tangata i mua i tana whakaputa i te whakaaro.
Whakaaro tapatahi: Ka waiho ki rahaki ngā rītaha, ngā kare ā-roto, me ngā mea e paingia ana e te tangata, ā, ka āta aro kē ki ngā taunakitanga, ki ngā meka e hāngai ana ki te horopaki.
Whakaaro taparoto: I konei, ka whai wāhi mai ngā rītaha, ngā kare ā-roto me ngā mea e paingia ana e te tangata.
E tika ana kia whakaaro tapatahi te kaiwhakawā i tētahi kaupapa, pērā i te kaiwhakawā kapa haka. Ahakoa tōna whakaaro taparoto he pai kē atu te kapa nō tōna ake haukāinga, me waiho tērā ki te taha, ā, ka āta aro ki ngā paearu tapatahi e taea ai tana whakawā te taunaki.
Tauira KŌrero
Pānuihia tēnei tuhinga ka tautohu ai i ngā kōrero pono me ngā whakaaro ake o te kaituhi.
Me pēhea te kimi kōrero hei taunaki, hei whakahē rānei i tērā whakaaro ōna?
He whakaaro tērā i āta whiriwhiria e ia, ehara i te mea he kapo noa i te rangi.