Hangarau

whakaara ~tia

boot, boot up (computing)

tūingoa, tūmahi whiti

WHAKAMĀRAMA

Ko te whakakā i tētahi rorohiko hei tīmata i tōna pūnaha whakahaere. Ka utaina te pūnaha whakahaere ki te pūmahara uru tupurangi o te rorohiko. Ka kīia te tukanga whakaara, ko te arawhiti.

Turning on a computer in order to start its operating system. The operating system is loaded into the random access memory (RAM) of the computer. The boot up process is called initialisation.

Tauira KŌrero

Ko te kawa takiuru tētahi wāhanga o te whakaara rorohiko.

Me pēhea te whakaara i te rorohiko?

Taihoa, e whakaaratia ana taku rorohiko.

WhakamĀrama Āpitihanga

Mēnā e weto ana te rorohiko, arā, karekau te hiko e rere ana ki roto, mā te whakaara makariri e tīmata ai. Ka pēhia tōna pana hiko hei tīmata i te rere o te iahiko. I te wā e whakaaratia ana ka kitea te mata whakaara i te mata o te rorohiko e whakaatu ana i te ingoa o te kamupene nā rātou ngā pūmanawa papatono.

I te whakaara mahana, kāore te rorohiko e whakawetohia, engari ka katia ngā papatono katoa, ā, ka utaina anō te pūnaha whakahaere. Mā konei e tika anō ai te haere o te rorohiko mēnā i hē tētahi papatono. Kei te tahua tīmata te pātene mō te whakaara mahana i te rorohiko.

Mēnā kua tāutangia tētahi papatono hou, kua whakahoutia rānei te pūnaha whakahaere, ko te whakaara anō te mahi whakamutunga hei whakaū i ērā pūmanawa hou.

Mēnā ka hē te haere o te rorohiko, i ētahi wā mā te whakaara anō e tika ai.

Tauira KŌrero

Ko te kawa takiuru tētahi wāhanga o te whakaara rorohiko.

Me pēhea te whakaara i te rorohiko?

Taihoa, e whakaaratia ana taku rorohiko.

WhakamĀrama Āpitihanga