Mēnā e matatau ana te tangata ki te reo, ka noho tangata whenua te wetereo ki tōna hinengaro, kāore ia e āta whiriwhiri i te wetereo i mua i tana whakapuaki kōrero. Engari, ko te tangata ako i te reo hei reo tuarua mōna, ko ia pea ka āta whakaaro ki te tika o te wetereo i mua i tana whakapuaki kōrero.
Mēnā e whakaputaina ana tētahi tuhinga hei pānui mā te marea, ko tētahi o ngā mahi takatā, ko te āta tirotiro i te tika o te wetereo.
Takenga Mai
wete - to untie, unravel
reo - language
Tauira KŌrero
E ngākaunui ana ētahi ki te ako wetereo, engari kāore ētahi.
He aha ētahi o ngā āhuatanga ka taka ki raro i te wetereo?
Ahakoa ngā reo ā-iwi, kotahi tonu te wetereo o te reo Māori.