Hauora

wara, warawara ~hia

addiction, addicted, addictive

tūingoa, tūāhua, tūmahi whiti

Ko te kaha kūmea o te tangata ki te whai i tētahi mahi, me tana kore e āhei ki te kaupare atu i te hiakai ki taua mahi rā.

The strong pull on a person to pursue a particular activity and their inability to ignore their desire for that activity.

Me āta tauawhi ā tātou rangatahi kia kore ai e wara ki te momi tupeka, momirehu rānei.

He kaupapa patu wara pūroi kei te whakatūria ki te hapori, e pūtakea mai ana i te kaupapa Māori.

Ko te whānau tonu te papa ina warawara tētahi ki te raukoti pūroi.

Koia nei ētahi momo warawara:

Ko te wara pūroi, pērā i te tarutaru, i te waipiro, i te tupeka, i te pōau-pī me te maha noa atu.
Ko te wara kai. Arā, ko te kore e taea e te tangata tana hiakai te kaupare, mātua rā ki ngā momo kai paraurehe. Ka kai inati ia, nāwai ā, ka mōmona.
Ko te wara petipeti, pērā i te petipeti hōiho. He mate ākiroto, inā ka kore e taea te kaupare atu tēnei whanonga ākiroto.
Ko te wara ai. He mate ākiroto anō tēnei, inā te kaha warea o te tangata ki te mahi hōkaka. Ko te wara karihika pea te otinga atu.
Ko te wara mata, arā ko te kaha kūmea o te tangata ki ana pūrere whai mata pērā i tana waea pūkoro me tana rorohiko. Ko te wara ipurangi me te wara pāhopori hei tauira.
Ko te wara hokohoko. Ko te hoko hautaonga hou te mea e kaha kukume ana i te tangata e pākia ana ki tēnei mate.

Me āta tauawhi ā tātou rangatahi kia kore ai e wara ki te momi tupeka, momirehu rānei.

He kaupapa patu wara pūroi kei te whakatūria ki te hapori, e pūtakea mai ana i te kaupapa Māori.

Ko te whānau tonu te papa ina warawara tētahi ki te raukoti pūroi.