Te Reo Matatini

wāmahi

tense

tūingoa

WHAKAMĀRAMA

Ko te wā e hāngai ana ki tētahi tūmahi i roto i te whakapuakanga kōrero. Ko ngā wāmahi matua e toru, ko te wāmua, ko te wātū, ko te wāheke.

The time reference related to a verb in an utterance. The three main tenses are past, present and future.

Tauira KŌrero

Me pēhea te huri i te wāmahi o te rerenga kōrero nei ki te wāmua?

Ko ngā hapa wāmahi ngā mea e tino rangona ana i te reo o ētahi.

Whakamāramahia mai ngā wāmahi matua e toru.

WhakamĀrama Āpitihanga

I te reo Māori, ka pūmau tonu te tūmahi, ahakoa te wāmahi. Ko te pūmahi i mua i te tūmahi hei whakaatu i te wāmahi. Hei tauira:

  • Ko te wāmua: I haere mātou i te Rātapu.
  • Ko te wātū: Kei te haere mātou ināianei. E haere ana mātou ināianei.
  • Ko te wāheke: Ka haere mātou ā te Rātapu.

Ko te nuinga o ngā kupu, kīanga rānei e tohu ana i te wāmua, ka tīmata ki te ‘i’, ki te ‘nō’ rānei. Hei tauira:

  • inanahi, nōnanahi, inā noa nei, nō nā noa nei, i te Rāhina, nō tērā marama.

Ko te ‘ā’ me te ‘hei’ ngā kupu matua o te reo Māori hei tohu wāheke. Hei tauira:

  • āhea, ā te Rātapu, āpopo, ā muri i te ..., hei tēra wiki, hei muri i te ...

Takenga Mai

wā - time; mahi - activity

Tauira KŌrero

Me pēhea te huri i te wāmahi o te rerenga kōrero nei ki te wāmua?

Ko ngā hapa wāmahi ngā mea e tino rangona ana i te reo o ētahi.

Whakamāramahia mai ngā wāmahi matua e toru.

WhakamĀrama Āpitihanga