!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

utu ~a

cost, price, pay for, payment

tūingoa, tūmahi whiti

WHAKAMĀRAMA

He tikanga o roto i te ahurea Māori e ea ai tētahi āhuatanga pērā i te patunga o te tangata, i te manaakitanga i tukuna, i te āwhina a tētahi, i te kanga, i te hara rānei a tētahi. I te ao tauhokohoko o ināianei, ko te rahi o te moni hei hoko i tētahi hautaonga, i tētahi ratonga rānei.

Hei tūmahi, ko te whakaea i te mahi a tētahi, ko te tuku rānei i te moni hei hoko i tētahi mea.

A Māori custom where an action such as the killing of a person, hospitality shown, help given, or a verbal curse or transgression is avenged or settled. In modern commerce, it is the amount of money required to purchase an item or service.

As a verb, the avenging or settling of someone's action, or the transfer of money to purchase something.

Tauira KŌrero

E hia te utu o te pukapuka nei?

Kaua e wareware ngā utu whakahaere i roto i ngā whiriwhiringa o te utu waihanga.

Ka utua e ia ki te tāra Amerikana.

WhakamĀrama Āpitihanga

Hei whakaatu i ngā momo utu i roto i te ao tauhokohoko:

Ko ngā utu whakahaere tētahi wāhanga o roto i te utu waihanga, i te utu hokorau, i te utu kaihoko hoki, arā, ko te rīhi whare, ko te utu i te hiko me ērā atu tū āhuatanga. Ka tāpiria he whakapikinga utu ki te utu waihanga hei monihua mā te kaihanga. Ko tā te kaihokorau, he hoko, he whakaputu i ētahi hautaonga maha, hei hoko atu anō ki ngā toa. Ka tāpiria e ia tana whakapikinga utu hei monihua māna. Ko tā te toa, he hoko atu i te hautaonga ki te marea, arā, ki te kaihoko, me te tāpiri anō i tāna whakapikinga utu hei monihua māna.

Ko te hoko harangote tētahi whakaritenga i waenga i te kaihoko me te tangata, te toa, te pakihi rānei e hoko atu ana i tētahi hautaonga i tētahi ratonga rānei. I konei ka utua tētahi ōrau o te utu (pērā i te 40%) kia riro i te kaihoko te hautaonga e hokona ana. I muri mai e noho kirimana ana ia ki te tuku utu anō i ia wiki pea, i ia marama rānei, kia utua rā anōtia te katoa o te utu mō te hautaonga me te huamoni ka tāpiria atu. Ka kīia te whakaritenga he mahere harangote, ā, ko ia utunga he utu harangote.

E āhua rite ana te hoko tāpui, engari kāore e riro i te kaihoko te hautaonga e hokona ana kia utua rā anōtia e ia te katoa o te utu mō te hautaonga.

Tauira KŌrero

E hia te utu o te pukapuka nei?

Kaua e wareware ngā utu whakahaere i roto i ngā whiriwhiringa o te utu waihanga.

Ka utua e ia ki te tāra Amerikana.

WhakamĀrama Āpitihanga