uara tū

place value

WHAKAMĀRAMA

Ko te tūāpapa o tā tātou pūnaha tau, koia hei tohu i te uara tapeke o tētahi mati. Mā te pūnaha uara tū e taea ai ngā rahinga katoa te tohu, ahakoa tekau noa iho ngā tohutau.

The foundation of our number system which determines the total value of a digit. The place value system allows all quantities to be expressed even though there are only ten numerals.

Tauira KŌrero

Whakaaturia tēnei tau ki te whare uara tū.

Ka kitea te uara tū o ia mati i te tau roha.

He aha te uara tū o te mati kei te taha matau o te ira ngahuru?

WhakamĀrama Āpitihanga

Ko te uara tū o tētahi mati, koirā te wāhi e noho ana taua mati i roto i tōna tau. Ko te 10 te tūāpapa o tō tātou pūnaha uara tū. Ko ia uara tū tētahi taupū o te ngahuru. Hei tauira, mō te tau 357.92:

Ko te 100 (10²) te uara tū o te 3. Ko te 3 tōna uara mati, ko te 300 tōna uara tapeke.
Ko te 10 (10¹) te uara tū o te 5. Ko te 5 tōna uara mati, ko te 50 tōna uara tapeke.
Ko te 1 (10⁰) te uara tū o te 7. Ko te 7 tōna uara mati, ko te 7 tōna uara tapeke.
Ko te ¹/₁₀ (hautekau, 10^-1)) te uara tū o te 9. Ko te 9 tōna uara mati, ko te ⁹/₁₀ tōna uara tapeke.
Ko te ¹/₁₀₀ (haurau, 10^-2)) te uara tū o te 2. Ko te 2 tōna uara mati, ko te ²/₁₀₀ tōna uara tapeke.

Ka whakamahia te kore (0) hei puri tūranga mēnā karekau he uara o tētahi o ngā wāhi uara tū. Hei tauira, ko te tau: 304,708
Nā te mea karekau he tekau mano, he tekau rānei o tēnei tau, ka tuhia he kore hei pupuri i aua wāhi uara tū.

He tūtohi uara tū tauoti tēnei:

He tūtohi uara tū tau ā-ira tēnei e whakaatu ana i ngā uara tū hei taupū o te ngahuru:

Koia nei ētahi o ngā momo rauemi hei whakaako i tēnei mea te uara tū:

He poro-uara tū ēnei:

Whakaaturia tēnei tau ki te whare uara tū.

Ka kitea te uara tū o ia mati i te tau roha.

He aha te uara tū o te mati kei te taha matau o te ira ngahuru?