uara

value, denomination

WHAKAMĀRAMA

Ko te rahi o tētahi mea, ka whakaaturia ki tētahi tohu, pērā i te tohutau, i tētahi waeine, i tētahi paheko tau, i tētahi kīanga taurangi rānei.

The quantity or amount of something represented in symbols such as a numeral, a unit of measurement, a number operation, or algebraic expression.

Tauira KŌrero

Me pēhea te whakaatu i te uara o tēnei tau ki ngā poro uara tū?

He aha te uara tū o te 5 i roto i te tau 53?

Mēnā ko te 4 te uara o te x, e hia te uara o te x²+ 1?

WhakamĀrama Āpitihanga

Ko te uara tū o tētahi mati, koirā te wāhi e noho ana taua mati i roto i tōna tau. Ko te 10 te tūāpapa o tō tātou pūnaha uara tū. Ko ia uara tū tētahi taupū o te 10. Hei tauira, mō te tau 357.92:

Ko te 100 te uara tū o te 3. Ko te 3 tōna uara mati, ko te 300 tōna uara tapeke.
Ko te 10 te uara tū o te 5. Ko te 5 tōna uara mati, ko te 50 tōna uara tapeke.
Ko te 1 te uara tū o te 7. Ko te 7 tōna uara mati, ko te 7 tōna uara tapeke.
Ko te ¹/₁₀ (hautekau) te uara tū o te 9. Ko te 9 tōna uara mati, ko te ⁹/₁₀ tōna uara tapeke.
Ko te ¹/₁₀₀ (haurau) te uara tū o te 2. Ko te 2 tōna uara mati, ko te ²/₁₀₀ tōna uara tapeke.

Ka whakamahia te kore (0) hei puri tūranga mēnā karekau he uara o tētahi o ngā wāhi uara tū. Hei tauira, ko te tau: 304,708
Nā te mea karekau he tekau mano, he tekau rānei o tēnei tau, ka tuhia he kore hei pupuri i aua wāhi uara tū.

He tūtohi uara tū tēnei: