tūtei tomokanga

WhakamĀrama Āpitihanga

Ko te whakapūkaki tētahi momo tūtei tomokanga e whāia ana i ētahi kura auraki i Aotearoa. Koia ko tā te kura whakawehe i ngā ākonga ki ētahi rōpū i runga i tā te kura anō aro ki te iho pūmanawa o te ākonga, ōna āheitanga me ōna pūkenga ako. Arā, he rōpū ihumanea (ka kīia ko te pūkaki runga), he rōpū waenganui, he rōpū kāore e tino eke taumata ana i ā rātou mahi ako, arā pea he taitu ako e whakararu ana i a rātou (ka kīia ko rātou te pūkaki raro).

Ki tā te hunga e whakatairanga ana i te whakapūkaki i ngā ākonga, he māmā ake, he whaihua ake te whakaako i tētahi rōpū e āhua rite ana te pakari o te hirikapo.

Ki tā te hunga whakahē i te whakapūkaki, ka totoka te kōmakatanga o te kura, me tō rātou whakapono ka kore e taea e te pūkaki raro ngā taumata o te mātauranga te eke. He kawatau teitei tō te kura mō te rōpū ka tapaina he ihumanea, he kawatau hahaka mō te pūkaki raro, waihoki e ai ki ngā rangahau ka ea ērā kawatau o te kura, ērā kawatau pouako. Ko tētahi hua kino o te whakapūkaki, ko te heke o te kiritau o ngā ākonga kua kōmakatia ki te pūkaki raro.