Hauora

turingonge

dysfunction, dysfunctional

tūingoa, tūmahi poro, tūāhua

Ko tētahi mea e raruraru ana, kāore e tika ana te haere, kāore e tino ora ana, e tino pai ana te āhua.

Something which is in difficulty, is not functioning correctly, is not in a healthy or good condition.

E kitea ana he turingonge tuku iho i ētahi o ō tātou whānau.

Ko te pōau-pī te tino pūtake o te turingonge e ara ake ana i tērā hapori.

E turingonge ana te kaunihera, inā te nui o te wehewehe, te tohetohe me te kōrero parau.

Ko ētahi momo turingonge:

Ko ngā momo ngoikoretanga o te tinana tangata, pērā i te hapehape o te waewae, i te turingonge taihema, me te hē o tētahi whēkau.
Ko te turingonge porihanga, arā, ko ngā raruraru ka hua ake i te noho wehewehe o ngā iwi, i te manarite-kore, i te tautika-kore o roto i te porihanga. Ko te tutūnga o te puehu, ko te turekore pea te otinga atu mēnā kāore e rongoātia.
Ko te turingonge ā-whānau. Koia ko te raruraru ka pā ki te whānau, me tō rātou kore e āhei ki te kawe i ngā mahi o ia rā, nā runga pea i te tuakokatanga, i te wara pūroi, i tētahi atu āhuatanga rānei. Ki te kore e rongoātia, ka pā anō tēnei mate ki ngā reanga o muri, ka kīia ko te turingonge tuku iho.

turingongengonge - crippled, lame, malfunctioning

E kitea ana he turingonge tuku iho i ētahi o ō tātou whānau.

Ko te pōau-pī te tino pūtake o te turingonge e ara ake ana i tērā hapori.

E turingonge ana te kaunihera, inā te nui o te wehewehe, te tohetohe me te kōrero parau.