Ko te wāhi e hono ā-whakapapa ana te tangata, e hono ā-ngākau ana, he hirahira ki a ia, ka tino arohatia e ia.
The place a person connects with through kinship, and emotionally, that has special significance to them, and for which they have deep affection.
Tauira KŌrero
Ahakoa kua roa ia e noho ana ki waho atu i tōna rohe ā-iwi, koirā tonu hei tūrangawaewae mōna.
Ko tōna tipuna kei te pupuri i te ahikāroa ki tōna tūrangawaewae.
Ko tōna pepeha kei te whakaatu mai i tōna tūrangawaewae, i tōna ipukarea.
WhakamĀrama Āpitihanga
Mēnā kua roa te tangata, te whānau, te hapū rānei e noho ana ki tōna whenua, ka kīia ko te ahikā tērā ki tōna tūrangawaewae, ki tōna ipukarea. Mēnā kei wāhi kē te tangata e noho ana, mā te hokihoki tonu atu ki tōna tūrangawaewae e mau tonu ai te ahikā. Ko te iwi, ko te hapū, ko te hapori ahikā o tētahi wāhi, ka kīia ko te haukāinga, kei a rātou te mana whenua o taua wāhi, mā rātou anō e kawe te mana kaitiakitanga. Nā runga i te ahikā o te iwi me te kawe i te haepapa kaitiakitanga, ka tipu te matemate-ā-one o te iwi ki tō rātou tūrangawaewae, ki ō rātou whenua. Koia ko te aroha nui o te ngākau ki aua whenua ūkaipō.
Ko te whakataukī, ko te kīanga kōrero e hāngai ana ki te tūrangawaewae, ka kīia he pepeha. Ko tā te pepeha he kōrero mō ngā āhuatanga whaimana o te haukāinga, o taua wāhi rā. Hei tauira:
Ko Tongariro te maunga, ko Taupō te moana, ko Tūwharetoa te iwi, ko Te Heuheu te tangata.
Waikato taniwha rau, he piko he taniwha, he piko he taniwha.
Ko te wāhi he nui te hīkoitia, te nohongia e te tangata, ka kīia ko tōna kainga waewae, ka mutu he hira taua wāhi rā ki roto i tōna whatumanawa.
Ko te wāhi i tipu ai te tangata i a ia e tamariki ana, ka kīia ko tōna kāinga tipu.
Tauira KŌrero
Ahakoa kua roa ia e noho ana ki waho atu i tōna rohe ā-iwi, koirā tonu hei tūrangawaewae mōna.
Ko tōna tipuna kei te pupuri i te ahikāroa ki tōna tūrangawaewae.
Ko tōna pepeha kei te whakaatu mai i tōna tūrangawaewae, i tōna ipukarea.