Ngā Toi

tūrama

lighting

tūingoa

WHAKAMĀRAMA

Ko te āhua o te aho ka tukuna ki te atamira o rēhia, koia tētahi āhuatanga hei kawe i te wairua o te whakaaturanga.

The nature of the light that is directed to a performance stage, an aspect which conveys the mood of the performance.

Tauira KŌrero

Me kaha ake pea te tūrama e tau ana ki te kaiwaiata matua o te pēne.

Me whakawairua pea te tūrama i konei hei whakaata i te pōuri o ngā kiriwhakaari.

Nāna i whakarite te mahere tūrama mō te whakaari.

WhakamĀrama Āpitihanga

Ko te arotahi o te tūrama, koia hei whakaputa i ngā momo aho rerekē, pēnā he whāiti, he whānui, he kitakita, he rehurehu rānei. Mā te whakamau i te tātari kano ki te tūrama ka rerekē te tae o te aho.

He mea whakaingoa ētahi o ngā momo tūrama i runga i te aronga o te aho. Koia nei ētahi:

Te tūrama muri – e ahu ana te aho mai i muri o te atamira, mai i muri o ngā kiriwhakaari.
Te tūrama whakawhiti – e ahu ana te aho mai i ētahi wāhi e rua e noho tauaro ana, pērā i te taha mauī me te taha matau o te atamira.
Te tūrama aronuku – e ahu ana te aho mai i runga ki raro.
Te tūrama arorangi – e ahu ana te aho mai i raro ki runga.
Te tūrama mua – e ahu ana te aho mai i mua, mai i te puku o te whare whakaari.

He tino kitakita te tūrama arotahi, he whāiti tōna aro ki tētahi pūwāhi o te atamira.
He rahi te aho, he whānui hoki te aro o te tūrama raharaha.

Takenga Mai

tūrama - give light to, illuminate

Tauira KŌrero

Me kaha ake pea te tūrama e tau ana ki te kaiwaiata matua o te pēne.

Me whakawairua pea te tūrama i konei hei whakaata i te pōuri o ngā kiriwhakaari.

Nāna i whakarite te mahere tūrama mō te whakaari.