He momo kupu ka noho ki muri tonu, ki mua tonu rānei i tētahi tūmahi, ko tāna, he tohu i te āhua o taua mahi. Ko tā ētahi tūkē, he tohu i te wā me te wāhi.
A type of word which follows or precedes a verb and indicates the nature of that action. Adverbs can also indicate time and place.
Tauira KŌrero
Tohua te tūkē i tēnei rerenga kōrero.
He tūkē tēnei kupu nā te mea e whakaahua ana ia i te āhua o te mahi.
He aha te mahi a te tūkē i tēnei rerenga kōrero?
WhakamĀrama Āpitihanga
Hei tauira o te tūkē:
I hoki māuiui mai a Kui i tana haere ki tāwāhi.
I tae tōmuri mai te hunga haere mā runga pahi.
Me āta pānui ngā kōrero a Himiona.
Arā hoki ētahi momo tūkē e tohu ana i te wāhi me te wā. Hei tauira:
I tae mai te kōrero inanahi nei.
Āpōpō rātou tae mai ai.
Ko te kīanga tūkē me te aho tūkē, he huinga kupu e whakakapi ana i te wāhi o te tūkē. Hei tauira:
Ākuanei mātou haere ai. (He tūkē te 'ākuanei'.)
Hei te poupoutanga o te haora mātou haere ai. (He kīanga tūkē te 'hei te poupoutanga o te haora'.)
Kia oti i a au taku mahi, ka haere mātou. (He aho tūkē te 'kia oti i a au taku mahi'.)
Tauira KŌrero
Tohua te tūkē i tēnei rerenga kōrero.
He tūkē tēnei kupu nā te mea e whakaahua ana ia i te āhua o te mahi.