Ngā Toi

tukanga toi

art process

tūingoa

WHAKAMĀRAMA

Ko te ara auaha ka whāia e te ringatoi, ko te raupapa o ngā mahi e oti ai tētahi mahinga toi.

The creative pathway taken by an artist, the sequence of work to produce an artwork.

Tauira KŌrero

Whakamāramahia mai te tukanga toi hei hanga i tētahi ipu uku nui.

He tukanga toi tuku iho te tāwai kiekie i rō paru.

He aha ngā rerekētanga o te tukanga toi mō te tāmoko e whāia ana i ēnei rā, me ngā tukanga i whāia i te wā o ngā tūpuna?

WhakamĀrama Āpitihanga

Ko te auahatanga tētahi wāhanga nui o te tukanga toi. He rerekē te takenga mai o te auahatanga, o te hiringa i te mahara o tēnā ringatoi, o tēnā ringatoi. Hei tauira o ētahi:

  • ko te kitenga o tētahi āhuatanga mīharo o te taiao
  • ko te tūkino i te taiao
  • ko tētahi take mautohe, pērā i te raupatu whenua
  • ko te matenga o tētahi tangata
  • ko te whānautanga mai o tētahi pēpe
  • ko tētahi pūrākau, tētahi whakataukī rānei

Ki ētahi ringatoi Māori, e toru ngā wāhanga o te tukanga auahatanga, ā, ka whakaritea ēnei ki ngā wāhanga e toru nei o te whakapapa, Te Pō Nui, Te Ao Mārama, me Te Ao Tangata.

I Te Pō Nui, ko te kunenga o te whakaaro ki te mahinga toi, ko te rangahau whakaaro, ā, ko te tīmatanga ki te hoahoa i te mahinga toi - ākene pea he huahua te tānga ki te pepa, kātahi ko te whakapaipai haere i te hoahoa.

I Te Ao Mārama, kua oti te hoahoa, ko te mahi a te ringa ināianei ki te whakatinana i ngā whakaaro i whanake ai i Te Pō Nui.

I Te Ao Tangata, kua oti te mahinga toi, ko te whakaatu ināianei ki te marea, ko te tuku, ko te whakatū rānei ki tōna wāhi noho.

Takenga Mai

tukanga (tukatuka) - start up, proceed forward

Tauira KŌrero

Whakamāramahia mai te tukanga toi hei hanga i tētahi ipu uku nui.

He tukanga toi tuku iho te tāwai kiekie i rō paru.

He aha ngā rerekētanga o te tukanga toi mō te tāmoko e whāia ana i ēnei rā, me ngā tukanga i whāia i te wā o ngā tūpuna?

WhakamĀrama Āpitihanga