Hangarau

tukanga hoahoa

design process

tūingoa

Ko te ara e whakawhanakehia ai tētahi otinga hangarau kia puta ā tōna wā. Ko te whakawehe i tētahi kaupapa nui ki ōna wāhanga iti.

The pathway of developing a technological outcome through to final production. The breaking down of a large project into smaller bits.

Tīmata ai te tukanga hoahoa hangarau i hea?

Mā te whai i te tukanga hoahoa e whaitake ake ai te otinga hangarau ā tōna wā.

Ko te hoki atu, hoki atu ki te whakapai ake i te otinga hangarau, koia tētahi wāhanga nui o te tukanga hoahoa.

Koia nei ngā wāhanga matua o roto i te tukanga hoahoa hangarau:

Ka tautuhitia te take, te raruraru, te whāinga rānei hei whakatika, hei whakatutuki. Hei tauira, ko te whakatoke a te tori hura i ngā manu māori i roto i te wao.
Ka tūhuratia te take. Ka rangahautia, ka āta wānangahia, ka āta whakaaroarotia ngā taha katoa o te take. Ka tautuhitia te hunga e whaipānga mai ana ki te take. Ka whakaputa whakaaro ki te otinga hangarau e tika ai te raruraru, e tutuki ai te whāinga.
Ka tuhi hoahoa, ka tuhi whakaahua o te otinga hangarau me te whakamahere anō i ngā mahi e hangaia ai te otinga.
Ka hangaia he tauira whakamātau. Ka arotakengia, ka āta tirotirohia ngā painga me ngā ngoikoretanga o te tauira. Ka hoahoatia ngā whakapainga ake.
Ka hangaia te otinga hangarau.
Ka whakaputaina ki ngā kaiwhakamahi, ki ngā kaihoko rānei.

Tīmata ai te tukanga hoahoa hangarau i hea?

Mā te whai i te tukanga hoahoa e whaitake ake ai te otinga hangarau ā tōna wā.

Ko te hoki atu, hoki atu ki te whakapai ake i te otinga hangarau, koia tētahi wāhanga nui o te tukanga hoahoa.