!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Hangarau

tikanga tuitui

sewing technique

tūingoa

WHAKAMĀRAMA

Ko ngā momo mahi tuitui papanga e puta ai tētahi āhua, e pai ai te taha rerehua me te taha āheinga o te mea e tuia ana.

The various sewing practices used to produce different effects, in order to meet the aesthetic and functional requirements of the article being sewn.

Tauira KŌrero

Ka ākona ngā tikanga tuitui waiwai i tēnei taumata o te kura.

He ringa rehe ia ki ngā momo tikanga tuitui maha.

Nāwai rā ka taunga haere ia ki ngā tikanga tuitui, ā, ka tīmata tana tūhura i ētahi āhuatanga hou.

WhakamĀrama Āpitihanga

Koia nei ētahi tikanga tuitui e whakamahia whānuitia ana:

Ko te whakamahi kuti kōpekapeka ki te kuti papanga, kia kore ai te papanga e tāwekoweko:

Ko te remu. Ka whētuia te tapa o te papanga (whētui whāiti nei), ā, ka tuia kia mau, kia kore ai e tāwekoweko.

Ko te maurua. Ka tuituia te wāhi e honoa ana ētahi papanga e rua, ētahi wāhanga e rua rānei o tētahi kākahu. Hei tauira:

Koia nei te maurua roto i tētahi tarau, arā, te maurua ka tuia mai i te tapatapa ki te remu o te waewae:

Mēnā ka tuia te tarawaha o tētahi pūkoro ki te maurua, ka kīia tērā he pūkoro mauroto. Mā tēnei tikanga ka āhua huna te tarawaha o te pūkoro. Hei tauira:

Ko te kōnumi. Ka whētuia te papanga ki runga i a ia anō, ā, ka tuia. Ko te take matua o te kōnumi, ko te whakarākei i te mea e tuia ana. Hei tauira māmā:

Ko te whakahoi. Ka whētuia tītahatia te papanga, ā, ka tuia. Mā reira e whai āhua ahutoru ai te mea e tuia ana. Mātua whakamahia ai te whakahoi kia noho pai ai te pūeru ki ngā kōpuku me ngā whāruarua o te tinana. Hei tauira:

Ko te pūkorukoru. Ka tuia he miro ki te papanga, ā, ka kukua kia pūroku ai. Hei tauira:

Ko te koruwhewhe tētahi momo pūkorukoru. Ka pūkorukorutia tētahi āpitihanga papanga, ā, ka tuia atu ki te kākahu. Hei tauira:

Ko te kāhete. He mara papanga tēnei, he tapatoru te āhua, ka tuia ki tētahi maurua o te kākahu hei whakapakari i taua wāhi, hei auaha rānei i taua wāhi, pērā i te pūkēkē hāte me te tapatapa tarau:

Ko te whētuitui. He momo tui whakaniko e pūkorukoru ai te papanga kia āhua kūtorotoro ai:

Ko te piriniko pērā i te houi. Ka tuia ēnei ki runga i te kākahu. Hei tauira o ētahi piriniko:


Ko te maurua whakaniko. He maurua tēnei ka tuia ki te kākahu hei whakanikoniko noa iho, kāore ōna take i te hanganga o te kākahu:

Ko te pakihoi. He papanga ka tuia ki tētahi kākahu hei auaha i ngā pakihiwi o tētahi hāte, i ngā hope rānei o tētahi paki. Ka tīepa ētahi atu wāhanga o te kākahu ki raro iho i te pakihoi. Hei tauira:

Tauira KŌrero

Ka ākona ngā tikanga tuitui waiwai i tēnei taumata o te kura.

He ringa rehe ia ki ngā momo tikanga tuitui maha.

Nāwai rā ka taunga haere ia ki ngā tikanga tuitui, ā, ka tīmata tana tūhura i ētahi āhuatanga hou.

WhakamĀrama Āpitihanga