tūhanga matihiko

digital object

WHAKAMĀRAMA

He rauemi ako tuihono, he kēmu rānei hei whakamahi, hei rāwekeweke mā te ākonga e mārama ai ia ki tētahi āhuatanga, ki tētahi tikanga, ki tētahi ture rānei, e puta ai rānei he huinga raraunga.

An online learning resource or game for students to use and manipulate in order to understand a phenomenon, a convention or rule, or in order to generate a dataset.

Tauira KŌrero

Ki hea tīkina atu ai tēnā tūhanga matihiko e hoa?

He tūhanga matihiko tēnei e whakaatu ana i te hononga o te whārite o tētahi pānga rārangi me tōna kauwhata.

E tino whaihua ana te whakamahi i ētahi tūhanga matihiko i ngā akoranga pāngarau.

WhakamĀrama Āpitihanga

E toru ngā tūhanga matihiko kei konei:

Pikitia Takirua. He kēmu hei whakamātau i tō mahara maupoto, me te kohi anō i ngā raraunga ka puta ki tētahi tūtohi. Pāwhiria ētahi kāri e rua, ka puta ngā pikitia o muri. Mēnā he ōrite, ka ngaro ērā. Ki te kore e ōrite, puritia ngā pikitia ki tō hinengaro, ka pāwhiri anō ai i ētahi kāri e rua. Ka ngaro katoa ngā kāri, ka oti te kēmu, ā, ka puritia te wā i oti i a koe te kēmu ki te tūtohi.
Pūrere Takahurihuri. He tūhanga matihiko hei ako i te tūponotanga. Whakaaturia te maha o ngā wehenga porowhita e hiahiatia ana ki te porowhita. Tohua te maha o ngā takahurihanga, ka tuku ai i te pūrere ki te mahi i āna mahi. Ka whakaaturia ngā hua o tō whakamātau tūponotanga ki te kauwhata pou.
Ringa Hohoro. He kēmu hei whakamātau i tō tere urupare, ā, ka kohia ngā raraunga ki tētahi tūtohi. Pāwhiria te tapawhā hāngai kākāriki. Kia huri te tae ki te whero, kia tere tonu tō pāwhiri anō i te tapawhā hāngai. Ka puritia tō wā urupare ki te tūtohi.

Pikitia Takirua

Pūrere Takahurihuri

Ringa Hohoro

Ki hea tīkina atu ai tēnā tūhanga matihiko e hoa?

He tūhanga matihiko tēnei e whakaatu ana i te hononga o te whārite o tētahi pānga rārangi me tōna kauwhata.

E tino whaihua ana te whakamahi i ētahi tūhanga matihiko i ngā akoranga pāngarau.