!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

taututetute

conflict, dispute, conflicting, disputed

tūingoa, tūmahi whiti, tūāhua

WHAKAMĀRAMA

Ko te tautohe, te raruraru rānei ka pupū ake ki waenganui i te tangata, i te rōpū rānei, inā kāore tētahi e whakaae ana ki te mahi, ki te whanonga, ki te whakaaro rānei o tētahi.

A disagreement or dispute which arises between people or groups, where one does not agree with the actions, behaviour or thoughts of another.

Tauira KŌrero

E ako ana ngā tamariki ki ngā momo rautaki e hohouhia ai te rongo ina puea ake he taututetute i te papa tākaro, i te akomanga rānei.

He mātanga ia ki te hohou i te rongo, ki te whakangāwari i te taututetute, me te kukume i ngā taha e rua ki te āta whakarongo tētahi ki tētahi.

Kua roa e taututetute ana te iwi Māori ki te kāwanatanga mō te mana ki te wai māori huri i te motu.

WhakamĀrama Āpitihanga

Koia nei ētahi take ka pupū ake tēnei mea te taututetute ki waenganui i ētahi tāngata, rōpū rānei:

Ina tino pupū ake te taututetute he whawhai pea te otinga atu. He whawhai ōkiko nei, he whawhai tao kupu rānei, pēnei i te whakairi kōrero hahani ki runga pae pāhopori.

Ko te mahi whakatatū taututetute he tukanga ka whāia kia kore ai e pērā rawa te tutūnga o te puehu, arā, kia hohoungia te rongo ki waenga i ngā taha e rua e taututetute ana. Mēnā he karioi te hohounga o te rongo, ka kīia tērā ko te tatau pounamu, ko te rongo taketake rānei.

Arā ētahi atu momo taututetute:

  • Ko te whakaaro taupatupatu, arā, ko te ātete o tētahi whakaaro i tētahi. Hei tauira ko te whakatau ture a te kāwanatanga kia haumaru ai te tākaro a te tamariki, me te tuku i ngā tamariki mā rātou anō e whakatau te haumaru i roto i ā rātou tākaro.
  • Ko te whakapono taupatupatu. Koia ko te ātete o tētahi whakapono i tētahi, pērā i te whakapono Māori me te whakapono Karaitiana mō te orokohanga mai o tātou te tangata.
  • Ko te uara taupatupatu, pērā i te ātete o te whakataetae a tētahi ki tētahi e ora ai te kiritahi, me te mahi ngātahi a te tokomaha e ora ai te hapori.
  • Ko te hirikapo taupatupatu, arā, ko te tautohetohe o roto i te hinengaro o te tangata ka hua ake i ētahi whakaaro tauaro e rua, nui ake rānei. He wā anō ka hua ake te hirikapo taupatupatu i te kore o tētahi akoranga hou i noho tau ki te taha o mātauranga kē atu kua mau kē ki te hinengaro.

KUPU KĒ ATU

taupatupatu

taukumekume

Tauira KŌrero

E ako ana ngā tamariki ki ngā momo rautaki e hohouhia ai te rongo ina puea ake he taututetute i te papa tākaro, i te akomanga rānei.

He mātanga ia ki te hohou i te rongo, ki te whakangāwari i te taututetute, me te kukume i ngā taha e rua ki te āta whakarongo tētahi ki tētahi.

Kua roa e taututetute ana te iwi Māori ki te kāwanatanga mō te mana ki te wai māori huri i te motu.

WhakamĀrama Āpitihanga