All rights reserved
Te Papakupu o Te Marautanga o Aotearoa
Ngā Wāhanga Ako: Te Reo Matatini, Ngā Toi, Pāngarau, Pūtaiao, Hangarau, Tikanga ā-Iwi, Hauora
Ko ngā tau he māmā noa iho te tāpiri, te tango, te whakarea, te whakawehe rānei i rō hinengaro.
Numbers that can easily be added, subtracted, multiplied or divided mentally.
He aha ngā taurata i tēnā raupapa whakareatanga?
Āta kimihia ngā taurata, ka tāpiri ai i ērā i te tuatahi.
He taurata te 65 me te 35 nā te mea he tau māmā te tapeke, arā te 100.
He tino rautaki te whakamahi taurata. Hei tauira: 23 + 29 + 37
He taurata te 23 me te 37, nō reira me tāpiri ērā i te tuatahi, ka 60. He māmā ināianei te tāpiri i te 29, ka 89. He paheko āhuatanga herekore te tāpiri, nō reira kāore he take o te raupapa o ngā tau tāpiri.
Hei tauira anō: 4 x 7 x 5
He taurata te 4 me te 5, nō reira me whakarea ērā i te tuatahi, ka 20. He māmā ināianei te whakarea ki te 7, ka 140. He paheko āhuatanga herekore te whakarea, nō reira kāore he take o te raupapa o ngā tau whakarea.
tau - number
rata - familiar, friendly