Pāngarau

tauira

pattern

tūingoa

WHAKAMĀRAMA

He takotoranga nahanaha o ētahi huānga, pērā i te tau, te āhua rānei. He raupapa, he tāruarua rānei aua huānga. Arā ētahi tauira o te taiao, pērā i te noho mai o te rau ki te peka o te rākau. Arā anō ētahi tauira i hangaia e te ringa tangata, pērā i ngā tauira tāniko. He pūtaketake tō ētahi momo tauira, ā, ka tāruaruatia taua pūtaketake kia puta ai te roanga atu o te tauira.

A systematic arrangement of elements such as number or shapes. The elements are sequential or repeated. Patterns can be found in nature such as the way leaves are arranged on a branch. Other patterns are created by people, such as tāniko. Some types of pattern have a base element which is repeated in order to extend the pattern.

Tauira KŌrero

Tohua mai te pūtaketake, te wāhanga matua o te tauira.

He aha ngā momo tauira e kitea mai ana i ō tātou wharenui?

Tāngia he tapatoru waerite, ka tāruarua ai hei hanga i tētahi tauira.

WhakamĀrama Āpitihanga

He tauira e kitea mai ana i te taiao:

He tauira i hangaia e te ringa tangata:

E tohua ana te pūtaketake o te tauira kōwhaiwhai nei. Ka kīia tēnei momo tauira he tauira tāruarua nā te mea ka tāruaruatia te pūtaketake o te tauira:

He tauira atu anō tēnei o te tauira tāruarua:

Ko te raupapa tētahi atu momo tauira. He tauira raupapa āhua tēnei. Mō ia tupuranga o te tauira, ka honoa he tapawhā rite ki te taha mauī me te taha matau:

He tauira raupapa tau tēnei. Mō ia tupuranga o te tauira, ka tāpiria te 3 ki te tau o mua: {1, 4, 7, 10, 13 ...}. Nō reira ka kīia ko te +3 te ture o tēnei raupapa.

Tauira KŌrero

Tohua mai te pūtaketake, te wāhanga matua o te tauira.

He aha ngā momo tauira e kitea mai ana i ō tātou wharenui?

Tāngia he tapatoru waerite, ka tāruarua ai hei hanga i tētahi tauira.