tauine rawakore

WhakamĀrama Āpitihanga

I te tauine rawakore a Te Rūnanga Whakakotahi i ngā Iwi o te Ao, ka āta inea ngā āhuatanga e toru nei, te hauora, te whiwhi mātauranga, me te paerewa noho.

I Aotearoa ka mātua arohia te moniwhiwhi a te whānau hei tohu i te rawakoretanga. Mēnā kei raro iho i te 60% o te moniwhiwhi toharite o Aotearoa whānui te moniwhiwhi a tētahi whānau, ka kīia kei te rawakore taua whānau rā. I te tau 1984 koia ko te 9% o te taupori o Aotearoa. Tae atu ki te 2016, kua piki te rawakoretanga ki te 15%, ā, kei te piki haere tonu. I tua atu i tērā, ko ngāi Māori, ko ngāi Pasifika e tino pākia ana.

Ko tētahi whakahē i te tauine rawakore, ko te kore e aro ki te mauritau o te tangata, ki ngā āhuatanga ahurea, pāpori anō hoki.

I ētahi whānau i Aotearoa, he mea heke iho te rawakoretanga mai i tētahi whakatipuranga ki tētahi, he uaua te wāwāhi i taua hekenga iho o te rawakoretanga. Ka kīia tērā ko te rawakore tāruarua, ko te rawakore tuku iho rānei.

Arā hoki te pakukore tāruarua, arā, ko te tau o te raruraru ki te tangata rawakore me tōna whānau, he whaiwhai haere tētahi i tētahi. Hei tauira, ko ngā raruraru tērā pea ka ara ake i te whakakorenga o te mahi a tētahi. Ka kore pea e taea tana rīhi whare te utu, ka taumaha te wairua, ka mate hinengaro rānei, me te maha noa atu.