Mātauranga Whānui

tauine ohapori

socioeconomic index

tūingoa

WHAKAMĀRAMA

He momo tohu i te kōeke o ngā āhuatanga pāpori, ohaoha hoki o te tangata, pērā i tana tūranga mahi, i ōna tohu mātauranga, i te nui o āna moniwhiwhi, āna huarawa, me tōna wāhi noho.

A way of indicating the social and economic level of a person such as their occupation, educational qualifications, income, assets and where they live.

Tauira KŌrero

Ki a au nei, kāore he take whaihua o te tauine ohapori, he hahani kē i te tangata me tōna whānau.

He aha te whakamārama a Te Tāhuhu o te Mātauranga mō tā rātou tauine ohapori?

Ka whakamahia ngā raraunga ka kohia e Tatauranga Aotearoa i ia rima tau hei waihanga tauine ohapori.

WhakamĀrama Āpitihanga

I te tau 1995 ka tīmata te whakamahinga o tētahi tauine ohapori hei tohu i te kōeke o ngā kura o Aotearoa. Ka kīia he pūnaha waengahuru, ā, ka whakamahia hei tātai i te nui o te moni ka tukuna e te kāwanatanga ki tēnā kura, ki tēnā kura, i runga anō i te whairawa o te hapori.

Ka wehewehea ngā kura ki ngā kōeke ohapori tekau. Kotahi hautekau o ngā kura ka tohua ki ia kōeke, mai i te 1 ki 10. Ko te hautekau ka tohua ki te waengahuru 1, koia rā ngā kura e tū ana i ngā hapori pōhara rawa atu, e ai ki tēnei pūnaha. Ko te hautekau ka tohua ki te waengahuru 10, ko ērā ngā kura e tū ana i ngā hapori tino whairawa o Aotearoa.

Ko ngā kura waengahuru 1, 2, 3, ka kīia he kura waengahuru hahaka. Ko ngā kura waengahuru 8, 9, 10, ka kīia he kura waengahuru teitei. Ko ērā atu ka kīia he kura waengahuru waenga.

Takenga Mai

tauine - ruler, scale

Tauira KŌrero

Ki a au nei, kāore he take whaihua o te tauine ohapori, he hahani kē i te tangata me tōna whānau.

He aha te whakamārama a Te Tāhuhu o te Mātauranga mō tā rātou tauine ohapori?

Ka whakamahia ngā raraunga ka kohia e Tatauranga Aotearoa i ia rima tau hei waihanga tauine ohapori.

WhakamĀrama Āpitihanga