Ko ngā kupu hei tohu i tētahi huānga o roto i te huinga raupapa o ētahi mea, o ētahi mahi rānei.
The words used to indicate a particular element from within an ordered set of things or happenings.
Tauira KŌrero
Ko te 'tuatoru' te tau raupapa e hāngai ana ki te mētara rauwhero.
Tautohua ngā tau raupapa i tēnei rerenga kōrero.
He aha te tau raupapa e hāngai ana ki te toa o te whakataetae omaoma?
WhakamĀrama Āpitihanga
Ka noho mai te ‘tua’ hei kūmua mō ngā tau raupapa mai i te tahi ki te iwa. I tua atu i te iwa, karekau he kūmua o te tau raupapa, mā te horopaki o te kōrero e mōhiotia ai mēnā he tau raupapa, he tau maha rānei. Arā, te tuawaru, te tuaiwa, te tekau, te tekau mā tahi ... . Arā hoki te tuangahuru, he tau raupapa e rite ana ki te tekau.
Hei tauira o te whakamahinga o te tau raupapa:
Ko tana waiata tuatoru tēnei.
Me riwhiriwhi ngā kāri i te tuatahi.
He Rāmere te rā rua tekau mā rima o tēnei marama.
I waiatatia tuatahitia tēnei waiata i te hui taurima i tū ki Rūātoki i te tau 1982.
Ko ia te tuangahuru o ngā mokopuna a Tamanui rāua ko Waireti.
Takenga Mai
tau - number; raupapa - sequence, order
Tauira KŌrero
Ko te 'tuatoru' te tau raupapa e hāngai ana ki te mētara rauwhero.
Tautohua ngā tau raupapa i tēnei rerenga kōrero.
He aha te tau raupapa e hāngai ana ki te toa o te whakataetae omaoma?