Hangarau

tataotanga tae

colour depth

tūingoa

WHAKAMĀRAMA

Ko te maha o ngā tae motuhake e taea ana te whakaatu e tētahi papatono rorohiko, e tētahi mata rorohiko pūmārō rānei.

The number of distinct colours that are able to be shown by a piece of computer software or by a computer screen hardware device.

Tauira KŌrero

E 24 moka te tataotanga tae o taku mata rorohiko.

I whakaurua e Hine tētahi kāri whakaroha kia rahi ake ai te tataotanga tae i tana rorohiko.

Kāore i pērā rawa te tataotanga tae o ngā rorohiko o mua.

WhakamĀrama Āpitihanga

Ko te moka, te mati tāhūrua rānei, koirā te rahinga raraunga iti rawa atu. Ko te 0 me te 1 ngā mati tāhūrua o roto i tētahi moka. Mēnā ko te moka-1 te tataotanga tae o tētahi rorohiko, ko te 2¹ (=2) te maha o ngā tae motuhake e taea ana ki ia tongiiti o te whakaahua. Ko te pango me te mā ērā. Mēnā ko te moka-8 te tataotanga tae o tētahi rorohiko, ko te 2⁸ (=256) te maha o ngā tae motuhake e taea ana ki ia tongiiti o te whakaahua. Ko te moka-24 te tataotanga tae e whakamahia ana i te nuinga o ngā papatono me ngā rorohiko. I konei ko te 2⁸ (=256) te maha o ngā momo whero, ngā momo kākāriki me ngā momo kahurangi e taea ana. Hui katoa ko te 2²⁴ (=16.77 miriona) ngā tae motuhake, ā, ka kiia tērā ko te kōwhiringa tae pono.

Hei tauira o te kōwhiringa tae pono:

Takenga Mai

tatao - to be deep

tae - colour

Tauira KŌrero

E 24 moka te tataotanga tae o taku mata rorohiko.

I whakaurua e Hine tētahi kāri whakaroha kia rahi ake ai te tataotanga tae i tana rorohiko.

Kāore i pērā rawa te tataotanga tae o ngā rorohiko o mua.