WhakamĀrama Āpitihanga
He āwhina nui te tātaitanga whakaahua e puritia ai he kōrero ki te pūmahara o te kaipānui, e whai māramatanga ai ia ki tāna i pānui ai, e eke anō ai ōna pūkenga arohaehae, ōna whakaaro whaitake.
Koia nei ētahi momo tātaitanga whakaahua:
- te rārangi wā
Ka whakaaturia ngā wā ki tētahi rārangi, me ngā mahi i oti, ka oti rānei i tēnā wā, i tēnā. Hei tauira:
Ka whakaaturia ngā huatau e hāngai ana ki tētahi kaupapa, me te hononga o tētahi huatau ki tētahi. Hei tauira:
- te papa paki
Ka whakaaturia te raupapa o ngā wāhanga o roto i tētahi paki, o tētahi kiriata rānei, me ngā whakamārama e hāngai ana ki tēnā wāhanga, ki tēnā. Hei tauira:
He momo mahere huatau, he rite tōna āhua ki te māwhaiwhai a te pūngāwerewere. Ko te mea nui, ka whakaaturia te hononga o tētahi wāhanga o te kaupapa ki tētahi. Hei tauira:
He momo mahere huatau, he porowhita te āhua o te hono i ngā wāhanga o te kaupapa e whakaaturia ana.
- te hoahoa rākau
He rite tēnei hoahoa ki te tipu o ngā peka o te rākau hei whakaatu i te hononga o ngā wāhanga o roto i te kaupapa. Ka whakamahia te hoahoa rākau hei whakaatu mahinga tūponotanga i te pāngarau. Hei tauira:
He momo mahere huatau, e kitea ai te raupapa o ngā mahi me te hononga o ngā mahi iti o roto i tētahi kaupapa. Hei tauira:
Ko tā tēnei hoahoa, he whakaatu i te hononga kei waenganui i ētahi huinga – mēnā e noho wehe kē ana ngā huinga, e pūtahi ana rānei ngā huinga, e noho iti ana rānei tētahi huinga ki roto i tētahi huinga nui. Hei tauira:
He momo mahere huatau, he rite ki te anga o te ika te āhua o te hononga o ngā wāhanga iti o roto i te kaupapa e whakaaturia ana. Hei tauira:
I tēnei momo tātaitanga whakaahua, ka wehea te kaupapa ki ētahi wāhanga matua e toru, koia hei āwhina ki te whakarōpū i ngā whakaaro mō taua kaupapa. Hei tauira:
- te hoahoa ripo
He momo hoahoa e whakaaturia ai tētahi raupapatanga mahi. Ka whakaaturia ia wāhanga o roto i te raupapa, ā, ka honoa ērā wāhanga ki te rārangi whai pere. Hei tauira:
