WhakamĀrama Āpitihanga
Koia nei ētahi āhuatanga ka taka ki raro i te tātai tuhituhi:
- Ko te āhua o te tuhi, pērā i te tāmiramira, i te tāmuramura, i te tāraro me te tītaha.
- Ko te momotuhi, pērā i te Calibri, te Times Roman, me te Comic Sans:
- Ko te rahi o te tuhinga.
- Ko te whakamahi i te pūmatua me te pūriki.
- Ko te tuhi haurunga me te tuhi hauraro i ngā pūtohu i ngā wāhi e tika ana. He tuhi haurunga te 2 i konei: 42=16. He tuhi hauraro te 2 i konei: H2O
- Ko te whakatautika i ngā tuhinga, arā, ko te whakatakoto i ngā tuhinga kia rite tonu te tīaroaro o te tīmatanga me te mutunga o ia rārangi. I ētahi wā, ko te whakatautika mauī, ko te whakatautika waenga, ko te whakatautika matau rānei te āhua o te whakatakoto i ngā tuhinga. Hei tauira:1
- Ko te whakauru i te kuputuhi whakatauira. Hei tauira, ko te kupu 'miiaooo' i tēnei whārangi:2
1Mihiroa, nā Peti Nohotima. He mea whakaputa e He Kupenga Hao i te Reo i te tau 2008 (wh.65).
2Nō te tauira whakamāoritanga o te pukapuka Crazy Cat Helps Out, nā Key Links Literacy, Global Education Systems Ltd. Nā Jill Eggleton i tuhi, nā Huia Publishers te tauira whakamāoritanga.