WhakamĀrama Āpitihanga
Koia nei ētahi āhuatanga ka taka ki raro i te tātai tuhituhi:
- Ko te āputa ki waenganui i ngā rārangi kōrero. Ka kīia tēnei ko te tānekeneke rārangi.
- Ko te āputa ki waenganui i ngā pū. Ka kīia tēnei ko te tānekeneke pū. Hei tauira o te tānekeneke rārangi me te tānekeneke pū:
- Ko te āhua o te tuhi, pērā i te tāmiramira, i te tāmuramura, i te tāraro me te tītaha.
- Ko te momotuhi, pērā i te Calibri, i te Times Roman, me te Comic Sans:
- Ko te rahi o te tuhinga.
- Ko te whakamahi i te pūmatua me te pūriki.
- Ko te whakatautika i ngā tuhinga, arā, ko te whakatakoto i ngā tuhinga kia rite tonu te tīaroaro o te tīmatanga me te mutunga o ia rārangi. I ētahi wā, ko te whakatautika mauī, ko te whakatautika waenga, ko te whakatautika matau rānei te āhua o te whakatakoto i ngā tuhinga. Hei tauira:1
- Ko te nuku i ngā tuhinga. Ko te nuku matau me te nuku tārewa ngā mea matua. Ko te take matua o te nuku i te rārangi tuhinga tuatahi, he tohu i te kōwae hou. I ētahi wā, ka kīia he nuku kōwae. Hei tauira:2
- Ko te whakauru i te tuhinga whakatauira. Hei tauira, ko te kupu 'miiaooo' i tēnei whārangi:3
He āwhina nui kei roto i te tātai tuhituhi e mārama ai te kaipānui ki te tikanga o te tuhituhi. Ka kīia ēnei he tīwhiri tātai tuhituhi. Hei tauira, he māmā ake te pānui i te rerenga kōrero i te taha matau i te rerenga kōrero i te taha mauī, nā runga i te tātai tuhituhi ki te whakawehe i te rerenga kōrero ki ōna anō kīanga:
Kei te haere māua ko taku tino hoa ki te kato pūhā. | Kei te haere māua ki taku tino hoa ki te kato pūhā. |
1Mihiroa, nā Peti Nohotima. He mea whakaputa e He Kupenga Hao i te Reo i te tau 2008 (wh.65).
2Mihiroa, nā Peti Nohotima. He mea whakaputa e He Kupenga Hao i te Reo i te tau 2008 (wh.46).
3Nō te tauira whakamāoritanga o te pukapuka Crazy Cat Helps Out, nā Key Links Literacy, Global Education Systems Ltd. Nā Jill Eggleton i tuhi, nā Huia Publishers te tauira whakamāoritanga.