tātai ~hia ~ tanga

WhakamĀrama Āpitihanga

Nō te tau 2025 i whakaputaina e te kāwanatanga tā rātou marautanga pāngarau hou mō roto i ngā kura. I reira ka tapaina ko te 'Tātai' tētahi o ngā whenu matua. I mua i tērā koia ko te whenu 'Tau'.

Ko ētahi o ngā ture tātai e whakaakona ana i te kura tuatahi:

• Hei tātai i te horahanga o te tapawhā hāngai: H = wh × r (H = horahanga, wh = whānui, r = roa)
• Hei tātai i te horahanga o te tapatoru: H = ¹/₂ × p × t (H = horahanga, p = pūtake, t = teitei)
• Hei tātai i te horahanga o te porowhita: H = πp² (H = horahanga, π = 3.14 ... [he tau pūmau], p = pūtoro)

Kia oti te tātaitanga, ko tā te tangata pāngarau he hihira i tana otinga, arā, he āta tirotiro i te tika me te whaitake o te tukanga i whāia me te otinga. Ko ētahi mahi hei hihira i tētahi tātaitanga:

• Ko te whakatau tata kia kitea ai mēnā kei te takiwā o te tika te otinga.
• Ko te whakauru i te otinga o tētahi whārite taurangi ki roto i taua whārite, ka tātai ai.
• Ko te tātai kōaro. Hei tauira, ko te whakarea hei hihira i te tika o tētahi tātaitanga whakawehe, ko te tāpiri hei hihira i te tika o tētahi tangohanga.