!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Hangarau

taputapu tao

cooking utensil

tūingoa

WHAKAMĀRAMA

Ko ngā momo utauta ka whakamahia hei whakarite kai. He mea mahi ā-ringa.

Types of equipment that are used in the preparation of food. They are hand implements.

Tauira KŌrero

Titiro ki roto i te hautō taputapu tao, kei reira te pīhore.

Me haere ki te toa hokorua ki te kimi i ngā taputapu tao e hiahiatia ana - he māmā ake te utu.

Koinei te rārangitanga o ngā taputapu tao e whakaritea ai ngā kai katoa o roto i tēnei pukapuka tohutao.

WhakamĀrama Āpitihanga

Koia nei ētahi o ngā taputapu tao e whakamahia whānuitia ana:

IngoaTāna mahiPikitia
tīkaroHei tango ake i te uho o tētahi huarākau, pērā i te āporo.
huaki pātaraHei tango atu i te taupoki pātara, i te puru pātara rānei.
māripi parāoaHe mata niniho tōna e pai ai te tapahi parāoa.
kōripi tīhiHei tapahi poraka tīhi.
māripiHe maha ngā momo māripi ka whakamahia ki rō whare kai. He iti ētahi pērā i ngā mea hei tapatapahi huawhenua. He nui ētahi pērā i te māripi mīti.
piau mītiHe rite ki te toki iti, he mata whānui tōna hei hahau mīti.
papa tapahiHe papa hei tapahi kai, he pai noa iho mēnā ka riwha i te hahau o ngā māripi.
rapa kauhuriHei kauhuri i ngā kai e tahua ana, e taongia ai ngā taha e rua.
kōrereHei kawe, hei taki i te wai e ringia ana ki roto i tētahi ipu. He whānui a runga, he whāiti tōna puare i raro.
kōpē kārikiHei pēpēhi kāriki kia mōhungahunga ai.
kuoroHei waruwaru i ētahi momo kai pērā i te tīhi kia ngakungaku.
kōtutuHe koko āhua nui nei hei kōutuutu hupa, tiu, wai kē atu rānei ki te oko.
kōpē rēmanaHei pēpēhi i te rēmana kia puta ai te wai o roto.
oko me te kuruHei kōpenupenu i ngā momo kai pērā i te āmanati.
wāhinatiHei whawhati i te anga o tētahi nati.
komoringa umuHei whakahaumaru i te ringa kia kore ai e wera.
pīhoreHei hohore i te kiri o tētahi huawhenua, huarākau rānei.
kauoro pepaHei kauoro i ngā huapepa maroke, āhua nui nei, kia ririki.
penu rīwaiHei penupenu i ngā momo kai pērā i te kūmara, i te rīwai me te paukena.
takapapaHe taputapu porokawa hei whakaparehe pokenga parāoa.
hītariHei tātari i tētahi wē, i tētahi momo puehu rānei kia wehea mai ai ngā korakora, ngā pōkurukuru o roto.
tātariHe oko pokapoka. Ka ringia atu he kai maoa me tōna wai kōhua, pērā i te parāoa rimurapa kia pūheke atu ai te wai.
rapaHei pani ranunga ki runga i tētahi kai, pērā i te panihuka ki runga keke.
pīnohiHei pupuri, hei hiki i tētahi mea kia kore ai e pā te ringa ki taua mea, he wera pea te take.
koheriHei kaurorirori i tētahi ranunga, i tētahi momo wē rānei, pērā i te kirīmi, kia uru ai he hau ki roto.
pūrauHe tia āhua pīrahirahi nei. Ka weroa he kai ki te pūrau hei pupuri i aua kai kia noho tōpū ai.
koko rākauHe koko ka hangaia ki te rākau, ka whakamahia ki te kōrori wai, pokenga rānei.

Tauira KŌrero

Titiro ki roto i te hautō taputapu tao, kei reira te pīhore.

Me haere ki te toa hokorua ki te kimi i ngā taputapu tao e hiahiatia ana - he māmā ake te utu.

Koinei te rārangitanga o ngā taputapu tao e whakaritea ai ngā kai katoa o roto i tēnei pukapuka tohutao.

WhakamĀrama Āpitihanga