WhakamĀrama Āpitihanga
He tāpaetanga kōrero tēnei: He nui ake te matikara o te hunga tamatāne i tērā o te hunga kōtiro.
Ka whakahaerehia he tūhuratanga kia kitea ai te tika, te hē rānei o te tāpaetanga kōrero. Arā, mā ngā hua o te tūhuratanga e taunakihia ai, e turakina ai rānei te tāpaetanga kōrero.
Ka inea ngā matikara o ngā tamatāne tekau me ngā kōtiro tekau:
Ka whakaaturia ngā raraunga ki te kauwhata pouhere:
Anei ētahi kōrero mō ngā raraunga, arā, he whakamāori i ngā raraunga e whakaaturia ana ki ngā kauwhata:
- Kāore e taea te kī ‘āe, he tika te tāpaetanga kōrero, he nui ake te matikara o te hunga tamatāne i tērā o te hunga kōtiro’, nā te mea he tokoiti te tīpako (10 anake ngā tama, 10 anake ngā kōtiro). He kōrero whaitake tēnei.
- I runga i te āhua o ngā raraunga i kohia, he āhua ōrite te matikara o te hunga tamatāne me ō te hunga kōtiro. Kāore i tino rerekē tētahi i tētahi. He kōrero whaitake anō tēnei.
- Ko te inenga 130 – 139mm te tau waenga mō te hunga tamatāne me te hunga kōtiro. He kōrero koremana tēnei (nā te mea he tokoiti tonu te tīpako).
- Ko te inenga 130 – 139mm te tau waenga mō ngā tamatāne me ngā kōtiro o tēnei tūhuratanga. He kōrero tōtika tēnei.