!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Puoro

(taonga) papā

percussion (instrument)

tūingoa

WHAKAMĀRAMA

He whakarōpūtanga taonga puoro nō te ao whānui, ka paoa, ka whakaoioitia, ka piua rānei hei whakaputa i tōna reo.

A western grouping of musical instruments which are struck, shaken or swung to produce their sound.

Tauira KŌrero

Ko wai te kaiwhakatangi i ngā taonga papā i tērā rōpū?

Rangahautia ngā momo rawa e hangaia ai ngā taonga papā.

He taonga papā tuku iho te pākuru.

WhakamĀrama Āpitihanga

He nui ngā taonga puoro papā tuku iho a te Māori. Koia nei ētahi:

hue rarā

He hue āhua porotaka nei te hanga o tōna tinana, he kakau anō tōna hei pupuri mā te ringa. Ka karoa ngā kākano o roto, ā, ka raua atu he kōhatu rikiriki. Mā te rūrū i te hue e rangona ai te rarā o ngā kōhatu.  Ko te hue puruwai tētahi atu taonga papā e rite ana, engari he nui ake i te hue rarā: 

 


pākuru

He mea hanga te pākuru ki ētahi toko rākau e rua, toko kōiwi rānei. Ka puritia tētahi wāhi o te toko nui ki te waha, ko tētahi pito ki te ringa. Ka paoa ki te toko iti:

poi

He hanga porotaka kōmāmā kua whakamaua ki tētahi taura hei piu mā te ringa. Ka puta tōna reo i te papaki o te poi ki te ringa, ki te tinana rānei. I ētahi wā, hei hoa te poi mō te waiata, mō te karakia rānei:

poiāwhiowhio

He hue paku ka herea ki te aho, ka piua ki te takiwā. He puare ka wiria ki te hue e uru ai te hau ki roto. He rite te tangi ki te tangi a ētahi manu. Ko te hopurangi tētahi atu momo poiāwhiowhio:

tōkere, māpara

He rite ki ngā ngutu o te pārera te hanga, arā, e rua ngā papa pakipaki iti ka hangaia ki te rākau, ki te kōiwi, ki te kōhatu, ki te kotakota rānei. Ka puritia ki te ringa, ā, mā te huaki me te kati i te kōnui me te kōroa e hāmama ai:

Brian Flintoff
Tōkere Manu
Kauwae parāoa

Brian Flintoff
Tōkere Tipa
Anga tipa

Tōkere anga ruheruhe

tumutumu

He taonga o nehe hei taki ūngeri i te taha o te karakia. Ka hangaia ki te kōhatu, te kōiwi, te rākau rānei:

Koia nei ētahi taonga papā o te ao puoro whānui:

Ko ngā tangi o ngā taonga papa o te ao whānui:

huinga pahū  
māpara 
pahū nguru 
pahū rarā 
pahū rino 
pahū tamarua 
pahū tametame 
pahū tāroa 
pakakau rino 
pūrere tāpatupatu 
tatangi 
tapatoru 
tīwēwē 

KUPU KĒ ATU

(taonga) tāpatupatu

Tauira KŌrero

Ko wai te kaiwhakatangi i ngā taonga papā i tērā rōpū?

Rangahautia ngā momo rawa e hangaia ai ngā taonga papā.

He taonga papā tuku iho te pākuru.

WhakamĀrama Āpitihanga