Pāngarau

pikiutu tukipū

inflation

tūingoa

WHAKAMĀRAMA

Ko te pikinga o ngā utu i tētahi pūnaha ōhanga i te takanga o te wā.

The increase in prices in an economy over a period of time.

Tauira KŌrero

E hia ōrau te pikiutu tukipū i Aotearoa i te tekau mā rua marama kua pahure nei?

Whakamāramatia mai ngā take matua mō te pikiutu tukipū.

E tino whai ana te kāwanatanga i ngā kaupapa whakaiti i te pikiutu tukipū.

WhakamĀrama Āpitihanga

E toru ngā take matua mō te pikiutu tukipū:

  • Nā te kaha hiahia o te marea ki te hoko i ngā hautaonga me ngā ratonga, me te kōpaka anō o aua hautaonga me aua ratonga, ka piki ngā utu.
  • Nā te piki o ngā utu ki te waihanga i ngā hautaonga, ki te tuku i aua hautaonga ki te marea, ki te tuku rānei i ngā ratonga, ka panaia whakarunga ngā utu. Hei tauira, ina piki te utu kōhinu, ka piki anō te utu mō te huhua o ngā hautaonga me ngā ratonga.
  • Nā te piki o te utu o ngā hautaonga me ngā ratonga (arā te utu noho), ka kaha ake te tohe a te hunga kaimahi kia whakapikia ō rātou utu ā-haora, utu ā-tau rānei.

Ko te tere o te pikiutu tukipū, ka kīia tērā ko te pāpātanga pikiutu tukipū, ā, ka tohua hei ōrau. Hei tauira, i te tau 2019, i te takiwā o te 1.6% te pikinga toharite o ngā utu mō ngā hautaonga, ngā rawa me ngā ratonga.

Mēnā ka heke ngā utu toharite i roto i tētahi pūnaha ōhanga i te takanga o te wā, ka kīia tērā ko te hekeutu tukipū.

Takenga Mai

piki - to increase, ascend

utu - cost, price, payment

tukipū - general, widespread

KUPU KĒ ATU

tāmi ahumoni

Tauira KŌrero

E hia ōrau te pikiutu tukipū i Aotearoa i te tekau mā rua marama kua pahure nei?

Whakamāramatia mai ngā take matua mō te pikiutu tukipū.

E tino whai ana te kāwanatanga i ngā kaupapa whakaiti i te pikiutu tukipū.

WhakamĀrama Āpitihanga