!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

tāmi ~a ~tanga

colonise, colonisation, oppress, suppress

tūingoa, tūmahi whiti, tūāhua

WHAKAMĀRAMA

Ko te mahi a tētahi iwi awenui ki te whakakāinga i ngā whenua o iwi kē me te whakatau anō i ā rātou ake ture, i ā rātou ake tikanga.

The actions of a dominant group to settle another people's lands and impose their own laws and practices.

Tauira KŌrero

He mea tāmi a Aotearoa e Ingarangi, tīmata mai ana i te rautau 18.

Huri i te ao e pupū ake ana ngā whakararu i te tāmitanga o ngā iwi taketake o tēnā whenua, o tēnā whenua.

Ko te takahi i ngā reo o te tangata whenua tētahi hua o tēnei mea te tāmitanga, nāwai ā, ka ngaro haere aua reo rā.

WhakamĀrama Āpitihanga

Ko tētahi āhuatanga kei muri i te mahi a te manatāmi, ko te whakaaro he whakahirahira ake tōna ahurea i tō te iwi e tāmi ana rātou. I te taenga mai o tauiwi ki Aotearoa, nā ngā mihinare i para te huarahi i runga i tō rātou whakaaro he kino, he riha ngā whakapono o te Māori, waihoki he mahi tika tā rātou ki te takahuri i te iwi Māori ki te whakapono Karaitiana.

Ko te raupatu whenua tētahi mahi nui a te manatāmi. Mā te kōhaki, mā te pakanga e raupatutia ai, mā te whakatū anō i ngā ture raupatu.

Mā te whakatū pūnaha mātauranga e tutuki anō ai ngā whāinga a te manatāmi ki te takahuri i ngā tikanga, ki te haukerekere i te ahurea o te iwi taketake.

Ko te wetetāmi koia ko te whakahorohoro i te tāmitanga o tētahi iwi, o te hinengaro rānei o te tangata takitahi, kia tū rangatira anō ai taua iwi, taua tangata rānei i tōna ake mana motuhake. I ētahi wā, mā te kaiākiri, mā te mahi a te rangatohe wetehere, mā te mautohe e wetekina ai ngā here tātāmi.

Takenga Mai

tāmi - repress, suppress

KUPU KĒ ATU

taipūwhenua, taipūwhenuatanga

Tauira KŌrero

He mea tāmi a Aotearoa e Ingarangi, tīmata mai ana i te rautau 18.

Huri i te ao e pupū ake ana ngā whakararu i te tāmitanga o ngā iwi taketake o tēnā whenua, o tēnā whenua.

Ko te takahi i ngā reo o te tangata whenua tētahi hua o tēnei mea te tāmitanga, nāwai ā, ka ngaro haere aua reo rā.

WhakamĀrama Āpitihanga