WhakamĀrama Āpitihanga
E kitea ana i konei he raupapa kapohanga tū, e whai mai ana tētahi i tētahi, he paku rerekē tētahi i tētahi. Ina tukua kia rere ēnei kapohanga tū tētahi i muri i tētahi, ka kitea ngā nekeneke o roto i te ataata:
Ko te pāpātanga kapohanga hei tohu i te tere o te whaiwhai ake o tētahi kapohanga i tētahi. Ko te 24 kapohanga i te hēkona te mōkito mō te hopu ataata, ka paku ruturutu pea mēnā he nekeneke tere e hopungia ana. He pātere ngā nekeneke o roto i te ataata mēnā e 60 kapohanga i te hēkona:
E 24 kapohanga i te hākona tēnei ataata:
E 60 kapohanga i te hākona tēnei:
Ko te mahi tuatahi i te takatā ataata ko te whakaemi i ngā hopunga kia tika ai te raupapa, mai i tētahi ki tētahi.
Ko te mahi matua, he tapahi i ngā kapohanga kāore e hiahiatia ana, he honohono i ngā kapohanga ka pīrangitia. Ko te tapanga tuatahi ka kīia he tapanga kōkau. Mā roto i te tapanga kōkau e kitea ai te katoa o te ataata, otirā, ko ngā wāhi, ko ngā whitinga hoki hei whakapaipai, hei whakamahine.
Koia nei ētahi momo whitinga mai i tētahi hopunga ki tētahi:
Ko te pupuke i te tīmatanga o te ataata, o tētahi kāpeka rānei, arā, ka whiti haere mai i te kore, i te rehurehu rānei ki te arinui o te ataata. Hei tauira:
Ko te pāitiiti i te mutunga o te ataata, o tētahi kāpeka rānei, arā, ka rehurehu haere. Hei tauira:
Ko te whakarewa tētahi atu whitinga, inā ka pāitiiti haere tētahi hopunga i te wā tonu e pupuke ana tētahi. Hei tauira:
- Ko te pakuku, arā, e whai tauira āhuahanga ana te ngaro haere o tētahi hopunga me te puta haere o tētahi i te wā kotahi.
Ko te tapanga mōwhiti, arā, ka tapahia atu ētahi kapohanga kia hua ake he nekehanga ohorere i te ataata. Hei tauira:
Ko te tapanga-L. He momo tapanga mōwhiti tēnei, engari ka haere tonu ngā oro e hāngai ana ki te hopunga tuatahi i te wā ka mōwhiti atu ki te hopunga tuarua. Hei tauira:
- Ko te tapanga arokē. I konei ka huri te hopunga mai i te kaupapa matua ki ngā mahi e haere ana i te taha.
- Ko te tapanga hohoko, arā, ka hohoko haere ngā hopunga mai i tētahi aronga ki tētahi, pērā i tētahi tokorua e kōrero ana i te waea.