WhakamĀrama Āpitihanga
Ko te whāinga o te mahi takatā, ko te whakapai ake i te tuhinga, i te puoro, i te ataata rānei kia mārama ake, kia hāngai ake ki te hunga pānui, hunga whakarongo, hunga mātakitaki rānei; ko te whakatika hoki i ngā kōrero kāore e tika ana.
He maha ngā momo mahi ka whai wāhi atu ki te takatā. Hei tauira:
- Ko te āta whakaaro ki te mārama o ngā kōrero, me ngā wāhi hei whakapai ake.
- Ko te tirotiro i te tūhonohono me te raupapa o ngā kōrero.
- Ko te whakapaipai i te takoto o ngā kōrero me ngā pikitia ki te whārangi, ki te mata rānei.
- Ko te āta whakaaro ki te hāngai o ngā kōrero ki te hunga pānui, hunga mātakitaki rānei.
- Mēnā he whārangi tukutuku, ko te tirotiro i te tika o ngā kuputoro.
Ko te pānui whakatika te mahi takatā whakamutunga. Koia nei ētahi o ngā mahi a te kaipānui whakatika:
- Ko te whakatika i te wetereo, arā, ko te āta tirotiro i te takoto tika o te reo (ahakoa te reo), me te takoto Māori nei o te kōrero Māori.
- Ko te whakatika i te tātaki i ngā kupu.
- Ko te tirotiro i te tika o ngā tohu kārawarawa.
I ngā kōnae matihiko, ka whakamahia he papatono pūtakatā. Hei tauira ko te pūtakatā ata hei whakarākei whakaahua, ko te pūtakatā ataata hei waihanga ataata, ko te pūtakatā kuputuhi.
Ko te tātohuhapa tētahi utauta o ngā papatono tukatuka kupu hei āwhina i te mahi takatā. Ina tonoa te tātohuhapa, ka kitea he rārangi huapae ki runga i ngā kupu. He tohu tēnei kia tangohia atu aua kupu i te tuhinga. Hei tauira o te tātohuhapa:
