WhakamĀrama Āpitihanga
Ko te tākai hautaonga me te tākai kai tētahi wāhanga nui o roto i te pūnaha whakapeto me te ōhanga torotika, inā ka kawea ngā hautaonga me ngā kai ki tawhiti hokona ai. Nō reira me tākai kia kore ai e pakaru, kia kore ai e kino. Mēnā e hokona ana ngā hautaonga me ngā kai ki ngā mākete o tata, kāore e pērā rawa te whaitake o te tākai.
Koia nei ētahi momo tākai e whakamahia nuitia ana:
- Ko te tākai pepa. E taea ana ētahi tākai pepa tōkau te whakawairākau, engari kāore te pepa mōhinuhinu. He parakino whaiwaro tūroa kei roto i ētahi tākai whakawairākau me ētahi ipu whakawairākau, nō reira ahakoa ka kīia he whakawairākau, he tāoke tonu ētahi, ā, ka tāhawahawatia te oneone:
- Ko te tākai kirihou. Ka taea ētahi te hangarua.
- Ko te tākai kirihou pīngongo me te tākai kirihou kūtoro ētahi momo, ka whakamahia hei tākai pouaka ki te pārete kia kore ai e nukunuku i te wā e kawea ana mā runga taraka. He momo kirihou angiangi kōataata ēnei, arā, he kirihou-4 te momo. Hei tauira:
- Ko te tākai kirihou whaimiru. Ka whakamahia hei uhi i tētahi hautaonga, kia kore ai e pakaru i te wā e kawea ana. Hei tauira:
- Ko te kārimārō, pērā i te pouaka kārimārō me te kārimārō kōwakawaka:
- Ka whakamahia te kirihou kōmāmā i ētahi tākai, mātua rā e kitea ana i ngā tākai pūrere tāhiko. He nui ngā whakararu o te kirihou kōmāmā, ina porowhiua, tahuna rānei ka tāhawahawatia te taiao. Hei tauira:
- Ko ngā momo rautākai kīhini, pēnei i ēnei hei uhi kai. He mahinga tukutahi te tākaipiri me te raukonu, he mahinga tukurau te tākai wākihi. He momo tākai para kore te tākai wākihi, ko te ipu tukurau tētahi atu:
